ಟ್ರ್ಯಾಕ್ಟರ್‌ ಟ್ರಾಲಿ ಉರುಳಿ ನಾಲ್ವರು ಕಾರ್ಮಿಕರ ಸಾವು

ಗಂಗಾವತಿ: ಉದ್ಯೋಗ ಖಾತ್ರಿ ಯೋಜನೆಯಡಿ ಮಾಡಿದ ಕೆಲಸದ ಹಣ ನೀಡಲು ಒತ್ತಾಯಿಸಿ ಸಂಸದರ ಮನೆ ಎದುರು ಅಹೋರಾತ್ರಿ ಧರಣಿ ನಡೆಸಲು ತೆರಳಿದ್ದ ಕೂಲಿ ಕಾರ್ಮಿಕರು ವಾಪಸ್‌ ಬರುತ್ತಿದ್ದಾಗ ಟ್ರಾÂಕ್ಟರ್‌ ಟ್ರಾಲಿಪಲ್ಟಿಯಾಗಿ ನಾಲ್ವರು ಮೃತಪಟ್ಟ ಘಟನೆ ತಾಲೂಕಿನ ಮುಕ್ಕುಂಪಿ ಜಬ್ಬಲಗುಡ್ಡ ಗ್ರಾಮಗಳ ಮಧ್ಯೆ ಶುಕ್ರವಾರ ಮಧ್ಯಾಹ್ನ ಜರುಗಿದೆ.

ಹೊಸಳ್ಳಿ ಗ್ರಾಮದ ಹುಲಿಗೆಮ್ಮ (42), ಹನುಮಂತಪ್ಪ (60), ಪವಾಡೆಪ್ಪ (59) ಮಲ್ಲಾಪುರ ಗ್ರಾಮದ ಅಂಬಮ್ಮ ಕಿಳ್ಳೇಕ್ಯಾತರ (56) ಮೃತಪಟ್ಟವರು. 15ಕ್ಕೂ ಹೆಚ್ಚು ಕಾರ್ಮಿಕರು ಗಾಯಗೊಂಡಿದ್ದಾರೆ. ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.