ಟೊಯೋಟಾ : ಕಾರ್ಮಿಕರೊಂದಿಗೆ ಸಚಿವರ ಚರ್ಚೆ

ರಾಮನಗರ: ಕಳೆದ 88 ದಿನಗಳಿಂದ ನಡೆಯುತ್ತಿರುವ ಟೊಯೋಟಾ ಕಿರ್ಲೋಸ್ಕರ್‌ ಮೋಟಾರ್‌ ಕಂಪನಿಯ ಕಾರ್ಮಿಕರ ಮುಷ್ಕರ ತಾರ್ಕಿಕ ಅಂತ್ಯ ಮುಟ್ಟುವ ಬೆಳವಣಿಗೆ ಗೋಚರಿಸುತ್ತಿದೆ.

ಅಮಾನತುಗೊಂಡಿರುವ 74 ಕಾರ್ಮಿಕರನ್ನು ಕೆಲಸಕ್ಕೆ ವಾಪಸ್‌ ಪಡೆಯಬೇಕು. ಕೆಲಸಕ್ಕೆ ಮರಳಲಿಚ್ಚಿಸುವ ಕಾರ್ಮಿಕರಿಂದ ಮುಚ್ಚ  ಳಕೆ ಬರೆಸಿಕೊಳ್ಳಬಾರದು ಎಂದು ಸರ್ಕಾರ ಸೂಚಿಸಿದೆ. ಈ ಬಗ್ಗೆ ಆಡಳಿತ ಮಂಡಳಿ ಫೆ.5ಕ್ಕೆ ತನ್ನ ಅಭಿಪ್ರಾಯ ತಿಳಿಸಲಿದೆ.

ಸಚಿವರ ಭೇಟಿ ನಂತರದ ನಿಲುವು ಬಹುತೇಕ ಕಾರ್ಮಿಕರ ಪರವಾಗಿದ್ದು, ಕಂಪನಿ ಸರ್ಕಾರದ ನಿಲುವು ಒಪ್ಪಿದರೆ ಸಮಸ್ಯೆಗೆ ಸುಖಾಂತ್ಯ ದೊರೆಯಲಿದೆ.

ಸುದೀರ್ಘ‌ ಚರ್ಚೆ: ಸಚಿವ ಎ.ಶಿವರಾಂ ಹೆಬ್ಟಾರ್‌, ಶಾಸಕ ಎ.ಮಂಜುನಾಥ್‌, ಜಿಲ್ಲಾಧಿಕಾರಿ ಎಂ.ಎಸ್‌. ಅರ್ಚನಾ, ಎಸ್ಪಿ ಗಿರೀಶ್‌, ಕಾರ್ಮಿಕ ಇಲಾಖೆ ಅಧಿಕಾರಿಗಳು ಟೊಯೋಟಾ ಕಂಪನಿಗೆ ಭೇಟಿ ನೀಡಿ ಕಾರ್ಮಿಕರ ಆರೋಪಗಳ ಸಂಬಂಧ ಪರಿಶೀಲಿಸಿದರು. ಬಳಿಕ ಆಡಳಿತ ಮಂಡಳಿ ಅಧಿಕಾರಿಗಳೊಂದಿಗೆ 2 ಗಂಟೆ ಕಾಲ ಚರ್ಚಿಸಿದರು. ಕಂಪನಿ ತನ್ನ ಸಮಸ್ಯೆ ಬಿಚ್ಚಿಟ್ಟಿದ್ದು,ಸಚಿವರು ಕೆಲವೊಂದು ಸಲಹೆ ನೀಡಿದ್ದಾರೆ. ಅಲ್ಲದೇ,ಮುಷ್ಕರ ತಾರ್ಕಿಕ ಅಂತ್ಯ ಕಾಣಲಿ ಎಂದು ಆಶಿಸಿದ್ದಾರೆ.

   ಇದನ್ನೂ ಓದಿ :ಗ್ರಾಪಂ ಅಧ್ಯಕ್ಷ-ಉಪಾಧ್ಯಕ್ಷ ಸ್ಥಾನ ಮೀಸಲು ರದ್ದುಪಡಿಸಿ

ಆಡಳಿತ ಮಂಡಳಿಯೊಂದಗಿನ ಚರ್ಚೆ ನಂತರ ಬಿಡದಿ ಕೈಗಾರಿಕೆ ಸಂಘದ ಸಭಾಂಗಣದಲ್ಲಿ ಕಾರ್ಮಿಕ ಸಂಘದ ಅಧ್ಯಕ್ಷ ಪ್ರಸನ್ನ ಮತ್ತು ಪದಾಧಿಕಾರಿಗಳೊಂದಿಗೆ ಸಚಿವರು ಚರ್ಚಿಸಿದರು. ಬಳಿಕ ಮುಷ್ಕರ ಸ್ಥಳಕ್ಕೆ ತೆರಳಿದರು. ಈ ವೇಳೆ ಕಾರ್ಮಿಕರನ್ನುದ್ದೇಶಿಸಿ ಮಾತನಾಡಿದ ಸಚಿವ ಎ.ಶಿವರಾಂ ಹೆಬ್ಟಾರ್‌ ಹಾಗೂ ಶಾಸಕ ಎ.ಮಂಜುನಾಥ್‌, ಕಾರ್ಮಿಕರನ್ನು ರಕ್ಷಿಸುವುದು ನಮ್ಮ ಜವಾಬ್ದಾರಿ ಎಂದು ಸ್ಪಷ್ಟ ಪಡಿಸಿದರು. ಈ ಸಂದರ್ಭದಲ್ಲಿ ಬಿಜೆಪಿ ಜಿಲ್ಲಾಧ್ಯಕ್ಷ ಹುಲುವಾಡಿ ದೇವರಾಜ್‌, ಬಿಡದಿ ಪುರಸಭೆ, ಗ್ರಾಪಂ ಸದಸ್ಯರು ಹಾಜರಿದ್ದರು.