ಅಮೆರಿಕದ ಟೆನ್ನೆಸ್ಸೀನಲ್ಲಿ ಸುಂಟರಗಾಳಿ: 25 ಬಲಿ

ವಾಷಿಂಗ್ಟನ್‌: ಅಮೆರಿಕದ ಟೆನ್ನೆಸ್ಸೀಯಲ್ಲಿ ಎದ್ದ ಭಾರೀ ಸುಂಟರಗಾಳಿಗೆ 25 ಜನರು ಬಲಿಯಾಗಿದ್ದಾರೆ. ಹಲವಾರು ಮನೆಗಳು, ಕಟ್ಟಡಗಳು ಧರೆಗುರುಳಿದ್ದು, ಅಪಾರ ಪ್ರಮಾಣದ ಹಾನಿಯಾಗಿವೆ.

ಹಲವಾರು ಮಂದಿ ಪ್ರಾಣ ಉಳಿಸಿಕೊಳ್ಳಲು ಸುರಕ್ಷಿತ ಸ್ಥಳಗಳಿಗೆ ಓಡುವ, ಕಾರುಗಳು ಮತ್ತು ಇತರ ವಾಹನಗಳು ಪಲ್ಟಿ ಆಗುವ ದೃಶ್ಯಗಳ ವಿಡಿಯೋಗಳನ್ನು ಪೊಲೀಸ್‌ ಇಲಾಖೆ ಬಿಡುಗಡೆ ಮಾಡಿದೆ.

ಅಧ್ಯಕ್ಷೀಯ ಚುನಾವಣೆಯ ಸೂಪರ್‌ ಟ್ಯೂಸ್ಡೇ ಪ್ರೈಮರಿ ಮತದಾನ ನಡೆದ ದಿನವೇ ಈ ದುರಂತ ಸಂಭವಿಸಿದ್ದು, ಮತದಾನವನ್ನು ಮುಂದೂಡಲಾಗಿದೆ.