ಹುತಾತ್ಮರ ಸ್ಮರಣೆಗಾಗಿ ಪಂಜಿನ ಮೆರವಣಿಗೆ

ಧಾರವಾಡ: ಸ್ವಾತಂತ್ರಕ್ಕಾಗಿ ಹೋರಾಡಿ ಹುತಾತ್ಮರಾದ ಭಗತ್‌ ಸಿಂಗ್‌, ರಾಜಗುರು, ಸುಖದೇವ್‌ ಅವರ ಸ್ಮರಣಾರ್ಥ ಹಾಗೂ ಹುತಾತ್ಮ ದಿನಾಚರಣೆ ಅಂಗವಾಗಿ ಧಾರವಾಡದ ಮಾಳಮಡ್ಡಿಯ ವೀರ ಸಾವರಕರ್‌ ಗೆಳೆಯರ ಬಳಗದಿಂದ ಗುರುವಾರ ಸಂಜೆ ಪಂಜಿನ ಮೆರವಣಿಗೆ ನಡೆಯಿತು. 

ಮಾಳಮಡ್ಡಿಯಿಂದ ಆರಂಭಗೊಂಡ ಪಂಜಿನ ಮೆರವಣಿಗೆ ವನವಾಸಿ ರಾಮಮಂದಿರ, ಸ್ಟೇಶನ್‌ ರಸ್ತೆ, ಉಳವಿ ಚನ್ನ ಬಸವೇಶ್ವರ ದೇವಸ್ಥಾನದ ರಸ್ತೆಯ ಮಾರ್ಗವಾಗಿ ಸಂಚರಿಸಿ ಜಿಲ್ಲಾಧಿಧಿಕಾರಿ ಕಚೇರಿ ಆವರಣದ ಕಾರ್ಗಿಲ್‌ ಸ್ತೂಪದದ ಬಳಿಯಲ್ಲಿ ಸಮಾಪ್ತಿಗೊಂಡಿತು.

ಕಾರ್ಗಿಲ್‌ ಸೂಪ್ತದ ಬಳಿಯಲ್ಲಿ ಭಗತ್‌ಸಿಂಗ್‌, ರಾಜಗುರು, ಸುಖದೇವ್‌ ಅವರ ಭಾವಚಿತ್ರಕ್ಕೆ ನೂರಾರು ಜನರು ಪುಷ್ಪ ನಮನ ಸಲ್ಲಿಸಿದರು. ನಂತರ ಕಾಲೇಜು ವಿದ್ಯಾರ್ಥಿ – ಧಿವಿದ್ಯಾರ್ಥಿನಿಯರು ಹುತಾತ್ಮ ಯೋಧರ ಕುರಿತು ಭಾಷಣ ಮಾಡಿದರು. 

ವೀರಸಾವರ್ಕರ್‌ ಗೆಳೆಯರ ಬಳಗದ ಮುಖಂಡರಾದ ಪ್ರಭಾಕರ್‌ ದೇಶಪಾಂಡೆ, ವಿಷ್ಣು ಹುಕ್ಕೇರಿ, ಅರುಣ ಶೀಲವಂತರ, ರಾಘವೇಂದ್ರ ದಿನಕರಜೋಶಿ ಸೇರಿದಂತೆ ಇತರರು ಭಾಗವಹಿಸಿದ್ದರು.