ಕುಖ್ಯಾತ ನಕ್ಸಲ್‌ ನಾಯಕನ ಶವ ಪತ್ತೆ

ಪಾಟ್ನಾ: ಆರು ರಾಜ್ಯಗಳಲ್ಲಿ ಸುಮಾರು 500ಕ್ಕೂ ಅಧಿಕ ಪ್ರಕರಣಗಳಲ್ಲಿ ಆರೋಪಿಯಾಗಿದ್ದ ಕುಖ್ಯಾತ ನಕ್ಸಲ್‌ ಕಮಾಂಡರ್‌ ಸಂದೀಪ್‌ ಯಾದವ್‌ ಮೃತದೇಹವು ಬಿಹಾರದ ಗಯಾ ಜಿಲ್ಲೆಯಲ್ಲಿ ಪತ್ತೆಯಾಗಿದೆ.

ಬಾಬುರಾಮಿªಹ್‌ ಗ್ರಾಮದಲ್ಲಿ ಸಂದೀಪ್‌ನ ಮೃತದೇಹ ಅನುಮಾನಾಸ್ಪದವಾಗಿ ಪತ್ತೆಯಾಗಿದೆ. ಈತ ನಕ್ಸಲರ ಬಿಹಾರ, ಜಾರ್ಖಂಡ್‌ ವಿಶೇಷ ಪ್ರದೇಶ ಸಮಿತಿಯ ಮುಖ್ಯಸ್ಥನಾಗಿದ್ದ.

ಈತನ ಬಗ್ಗೆ ಸುಳಿವು ಕೊಡುವವರಿಗೆ ಹಲವು ರಾಜ್ಯಗಳು ಒಟ್ಟಾರೆಯಾಗಿ 83 ಲಕ್ಷ ರೂ. ಬಹುಮಾನ ಘೋಷಿಸಿದ್ದವು. ಸಂದೀಪ್‌ನ ಮೃತದೇಹವನ್ನು ಮರಣೋತ್ತರ ಪರೀಕ್ಷೆ ಮಾಡಲಾಗಿದ್ದು, ಅದರ ವರದಿ ಬಂದ ನಂತರ ಸಾವಿಗೆ ಕಾರಣ ತಿಳಿಯಬಹುದು ಎನ್ನಲಾಗಿದೆ.