ಈ ರಾಶಿಯವರು ಇಂದು ಮನದನ್ನೆಯೊಡನೆ ಮನಬಿಚ್ಚಿ ಮಾತನಾಡಿ: ಹೇಗಿದೆ ಇಂದಿನ ದಿನಭವಿಷ್ಯ !

ಮೇಷ: ಅತೀ ಮಹತ್ವದ ಕಾರ್ಯಗಳಿಗಾಗಿ ಧನವಿನಿಯೋಗ ಮಾಡುವಿರಿ. ಶತ್ರುಗಳೂ ಚಕಿತಗೊಳ್ಳುವಂತೆ ಸಾಧನೆ ಇರುತ್ತದೆ. ಪ್ರವಾಸಾದಿಗಳೂ ಸಫ‌ಲವಾಗಲಿವೆ. ಸ್ಥಾನ ಪಲ್ಲಟದ ಭಯ ಇದ್ದೇ ಇರುತ್ತದೆ.

ವೃಷಭ: ಮರ್ಯಾದೆಗಾಗಿ ಚಡಪಡಿಸುವ ಸ್ಥಿತಿ ನಿಮ್ಮದು. ವರ್ಷದ ಮುಕ್ಕಾಲು ಪಾಲು ಹರ್ಷವಿದ್ದರೂ ಅಯಕ್ಕಿಂತ ವ್ಯಯವು ಅಧಿಕವಾಗಿದ್ದು ಚಿಂತಿತರಾಗುವಿರಿ. ಪಿತ್ತಾಧಿಕ್ಯದಿಂದ ಉದರದಲ್ಲಿ ತೊಂದರೆ ಕಾಣಿಸಲಿದೆ.

ಮಿಥುನ: ಧಾರ್ಮಿಕ ಕಾರ್ಯಗಳಿಗಿದು ಸಕಾಲವಾಗಿದೆ. ಆದಾಯವು ಉತ್ತಮವಿದ್ದು ಸಮಾಧಾನವಾಗಲಿದೆ. ವರ್ಗಾವಣೆಯ ಕುರುಹು ವೃತ್ತಿಪರರಿಗೆ ಕಾಣಿಸಲಿದೆ. ಶಿಕ್ಷಣದಲ್ಲಿ ಮಕ್ಕಳ ಅಭಿವೃದ್ಧಿ ಕುಂಠಿತವಾಗಿ ಚಿಂತೆ ಇದೆ.

ಕರ್ಕ: ನಿಮಗೆ ಆರ್ಥಿಕವಾಗಿ ಚಿಂತೆಯಾದೀತು. ಅಧಿಕಾರಿ ವರ್ಗದಲ್ಲಿರುವವರಿಂದ ನಿಮಗೆ ಕಿರಿಕಿರಿ ಕಂಡುಬರುವುದು. ನಿಮ್ಮ ಕಾರ್ಯಕ್ಷೇತ್ರದಲ್ಲಿ ಯಾರ ಒತ್ತಡಕ್ಕೂ ಮಣಿಯದೆ ಮುನ್ನಡೆದರೆ ನಿಮಗೆ ಜಯವಿದೆ.

ಸಿಂಹ: ಧನಾಗಮನದಲ್ಲಿ ವಿಳಂಬ ಕಂಡು ಬಂದೀತು. ನೀವು ಕೈಗೊಂಡ ಕಾರ್ಯವು ಅರ್ಧಕ್ಕೇ ನಿಂತು ತಲೆನೋವಾಗಲಿದೆ. ಧರ್ಮಕಾರ್ಯದಲ್ಲಿ ಆಸಕ್ತಿಯು ಕಂಡುಬರಲಿದೆ. ನಿಮ್ಮ ಔದಾರ್ಯ ಜನಮೆಚ್ಚುಗೆ ಗಳಿಸೀತು.

ಕನ್ಯಾ: ಅಹಿತಕರ, ಅತೃಪ್ತ ಮನೋಭಾವದಿಂದಾಗಿ ಕೊಂಚ ತಲೆಬಿಸಿಯಾದೀತು. ಪಿತ್ತ, ಉಷ್ಣದೋಷವು ಕಂಡು ಬರುವುದು. ಪ್ರಯಾಣಾದಿಗಳಿಂದ ಖರ್ಚು ಕಂಡುಬಂದು ತಲೆಬಿಸಿಯೇರಲಿದೆ. ಸಮಾಧಾನ ತಂದುಕೊಳ್ಳಿರಿ.

ತುಲಾ: ಕೆಳವರ್ಗದ ಜನರ ಪೀಡೆಯಿಂದ ಬೇಸರ ಕಂಡುಬಂದೀತು. ಸ್ತ್ರೀ ಸೌಖ್ಯ, ಕೀರ್ತಿ ವೃದ್ಧಿ ಇದ್ದು ಸಮಾಧಾನ. ಕ್ರೀಡಾಪಟುಗಳಿಗೆ ಉತ್ತಮ ಹೆಸರು ಗಳಿಸುವ ಸಮಯ. ಹಿರಿಯರ ಮನಸ್ತಾಪಕ್ಕೆ ಗುರಿಯಾಗದಿರಿ.

ವೃಶ್ಚಿಕ: ಶತ್ರು ನಿವಾರಣೆಯಾದರೂ ಭಯ ತೊಲಗದು. ಕೈಹಿಡಿದ ಯಾವ ಯೋಜನೆಯೂ ನಿರಾತಂಕವಾಗಿ ಮುಂದೆ ಸಾಗದು. ಮನೆಯಲ್ಲಿ ಪತ್ನಿಯ ಅನಾರೋಗ್ಯವು ತಲೆಬಿಸಿ ತಂದೀತು. ಹಲವು ದುಗುಡಗಳು ನಿಮ್ಮನ್ನು ಕಾಡಲಿವೆ.

ಧನು: ಸ್ಥಾನ ಪ್ರಾಪ್ತಿಯ ಸೂಚನೆ ಇದೆ. ರಾಜಕೀಯವಾಗಿ ಉನ್ನತಿಗೆ ಏರುವಿರಿ. ಮನದನ್ನೆಯೊಡನೆ ಮನಬಿಚ್ಚಿ ಮಾತನಾಡಿರಿ. ಆದರೂ ಆತ್ಮಶಕ್ತಿಯ ಬಲದಿಂದ ಹೋರಾಟ ನಡೆಸಿರಿ. ಸ್ಥಾನ ಪ್ರಾಪ್ತಿಯ ಸೂಚನೆ ಇದ್ದೀತು.

ಮಕರ: ಗೃಹದಲ್ಲಿ ಕಲಹ ಕಂಡುಬಂದೀತು. ಆರ್ಥಿಕವಾಗಿ ಒತ್ತಡವೂ ಕಂಡುಬಂದೀತು. ಆತ್ಮೀಯರಿಂದ ಅಭಿಮಾನ ಭಂಗವಾಗಲಿದೆ. ವ್ಯಾಪಾರ, ವ್ಯವಹಾರದಲ್ಲಿ ಅತೀ ಜಾಗ್ರತೆ ಮಾಡಿದರೆ ಉತ್ತಮವಿದೆ.

ಕುಂಭ: ವ್ಯವಹಾರದಲ್ಲಿ ಬಂಧುಗಳಿಂದ ಮನಸ್ತಾಪ ಕಂಡುಬಂದು ತೊಂದರೆ ಅನುಭವಿಸುವಿರಿ. ಶ್ರೇಯೋಭಿವೃದ್ಧಿ ಇದ್ದರೂ ಚಿಂತೆ ತಪ್ಪದು. ಮಂಗಲ ಕಾರ್ಯ ಹಾಗೂ ದೇವತಾಕಾರ್ಯ ನಡೆಯಲಿದೆ.

ಮೀನ: ನಿರುದ್ಯೋಗಿಗಳಿಗೆ ಉದ್ಯೋಗ ಲಾಭದ ಶುಭ ಸೂಚನೆ ಕಂಡುಬರಲಿದೆ. ಕುಟುಂಬದಲ್ಲಿ ನಿಮ್ಮ ಬಗ್ಗೆ ಒಳ್ಳೆಯ ಅಭಿಪ್ರಾಯ ಕಂಡುಬಂದೀತು. ಅವಮಾನ, ಅಪವಾದಗಳಿಗೆ ತಲೆ ಕೆಡಿಸದಿರಿ. ಹೊಂದಿಕೊಳ್ಳಿರಿ.