ಇಂದು ನಿಮ್ಮ ಗ್ರಹಬಲ: ಮನಸ್ಸಿನ ಒದ್ದಾಟದಿಂದ ಕೋಪತಾಪಗಳು ಹೆಚ್ಚಾದೀತು!

11 Dec 2020

ಮೇಷ: ಮಾನಸಿಕವಾಗಿ ಅತೀ ಗಲಿಬಿಲಿ ಕಂಡುಬಂದರೂ ಮೇಲ್ಮುಖವಾಗಿ ನಗೆಯನ್ನು ತೋರಿಸಿಕೊಳ್ಳುವಿರಿ. ಮನಸ್ಸಿನ ಒದ್ದಾಟದಿಂದ ಕೋಪತಾಪಗಳು ಹೆಚ್ಚಾದೀತು. ಆರೋಗ್ಯದ ಮೇಲೆ ಪರಿಣಾಮ ಬೀರೀತು.

ವೃಷಭ: ಮಾನಸಿಕ ಹಾಗೂ ದೈಹಿಕವಾಗಿ ಸುದೃಢರಾಗಿರುವಿರಿ. ಆರೋಗ್ಯವು ನಿಧಾನವಾಗಿ ಸುಧಾರಿಸುತ್ತಾ ಹೋಗಲಿದೆ. ಆದರೂ ತಪಾಸಣೆಯು ಅಗತ್ಯವಿರುತ್ತದೆ. ಆದರೂ ಭಯ ಬೀಳದೆ ಮುನ್ನಡೆದರೆ ಯಶಸ್ಸು ಇದೆ.

ಮಿಥುನ: ದ್ವಿವಿಧ ಮನಸ್ಸು ಅತ್ತಿತ್ತ ತೊಳಲಾಡುತ್ತಾ ಇರುತ್ತೀರಿ. ಆದರೂ ಆರ್ಥಿಕವಾಗಿ ಅಭಿವೃದ್ಧಿ ಇರುವುದು. ಖರ್ಚು ಅದೇ ರೀತಿಯಲ್ಲಿ ಇರುವುದು. ನಿಗಾ ವಹಿಸುವ ಅಗತ್ಯವಿದೆ. ಕಿರು ಸಂಚಾರವು ಕಂಡುಬರುವುದು.

ಕರ್ಕ: ಪ್ರತಿದಿನವೂ ನೀವು ನಿರೀಕ್ಷಿಸುತ್ತಿದ್ದ ಕೆಲಸವು ಪೂರ್ಣಗೊಳ್ಳುವ ಸಮಯ ಸಮೀಪಿಸುವುದು. ಆಹಾರದ ಹೆಚ್ಚು ಕಮ್ಮಿ ದೇಹದ ಮೇಲೆ ಪರಿಣಾಮ ಬೀರಲಿದೆ. ಮನೆಯ ಗೃಹಿಣಿಯ ಸಂತೃಪ್ತಿ ನಿಮಗೆ ಸಮಾಧಾನ ನೀಡಲಿದೆ.

ಸಿಂಹ: ಮನಸ್ಸು ಸ್ವಲ್ಪ ಸಮಾಧಾನವನ್ನು ತೋರಿಸೀತು. ಆದರೆ ಉದ್ವೇಗವನ್ನು ಕಡಿಮೆ ಮಾಡಿಕೊಳ್ಳಲು ಧ್ಯಾನದ ಮೊರೆ ಹೋದರೆ ಉತ್ತಮ. ರಾತ್ರಿಯಲ್ಲಿ ನಿಶ್ಚಿಂತೆಯ ನಿದ್ರೆ ಮಾಡಿದರೆ ಆರೋಗ್ಯವನ್ನು ಕಾಪಾಡಿಕೊಂಡರೆ ಉತ್ತಮ.

ಕನ್ಯಾ: ಪಂಚಮ ಶನಿಯ ಬಾಧೆಯಿಂದ ಆರೋಗ್ಯ ಹಾಗೂ ಆರ್ಥಿಕವಾಗಿ ಹಾಗೂ ಸಂಚಾರದಿಂದ ದೇಹಾರೋಗ್ಯವು ಕೆಡಬಹುದು. ಮನಸ್ಸಿನ ತೊಳಲಾಟದಿಂದ ತೊಡಕುಗಳು ಕಂಡುಬಂದಾವು. ಮನೆ ಯಲ್ಲಿ ಕಿರಿಕಿರಿ ಕಂಡುಬರಲಿದೆ.

ತುಲಾ: ರಾಜಕೀಯ ರಂಗದವರಿಗೆ ಸ್ವಲ್ಪ ಉತ್ತಮ ಕಾಲವಿದು. ನಿಮ್ಮ ಜನಪ್ರಿಯತೆಗೆ ಇತರರು ಹೊಟ್ಟೆ ಉರಿಸಿಕೊಂಡಾರು. ಕುಟುಂಬದವರೊಂದಿಗೆ ಉತ್ತಮ ಬಾಂಧವ್ಯ ಇರಿಸಿಕೊಂಡರೆ ಉತ್ತಮ. ಮನಸ್ಸಿಗೆ ಸಮಾಧಾನವಿರುತ್ತದೆ.

ವೃಶ್ಚಿಕ: ಮನೆಯಲ್ಲಿ ನಿಶ್ಚಯ, ಮಂಗಲ ಕಾರ್ಯದ ಸಂಭ್ರಮ ತುಂಬಿ ತುಳುಕುವುದು. ದೇಹವು ಪುಷ್ಟಿಯಾಗಿರುತ್ತದೆ. ಕುಟುಂಬ ವರ್ಗದವರಿಂದ ಒಳ್ಳೆಯ ಮಾತುಗಳು ಕೇಳಿ ಸಮಾಧಾನ, ಸಂತಸವಿರುತ್ತದೆ.

ಧನು: ನೀವು ನಿರೀಕ್ಷಿಸಿದ ಅಭಿವೃದ್ಧಿಯು ಕಂಡುಬರದೆ ಬೇಸರಪಡುವಿರಿ. ಉದ್ವೇಗ, ಬೇಸರದಿಂದ ಮನಸ್ಸು ಹೇಳಿಕೊಳ್ಳಲಾಗದ ಸ್ಥಿತಿಯಲ್ಲಿರಬಹುದು. ಮನೆಯಲ್ಲಿ ಪತ್ನಿಯ ಏಳಿಗೆಯ ಬಗ್ಗೆ ಸ್ವಲ್ಪ ಚಿಂತಿತರಾಗುವಿರಿ.

ಮಕರ: ನಿಮ್ಮ ಗೃಹದಲ್ಲಿ ಅಭಿವೃದ್ಧಿಯು ಕಂಡುಬಂದು ಸಮಾಧಾನವಾಗಲಿದೆ. ಖಾಲಿ ಸೈಟು ಯಾ ಮನೆ ಖರೀದಿ ಕಂಡುಬರಲಿದೆ. ಮಕ್ಕಳಿಂದ ಸಂತಸ ಕೂಡಿ ಬರಲಿದೆ. ಮನೆಯ ಹಿರಿಯರಿಗೆ ನಿಮ್ಮ ಏಳಿಗೆಯಿಂದ ಸಂತಸ.

ಕುಂಭ: ಕೃಷಿಕ ವರ್ಗದವರಿಗೆ ಸ್ವಲ್ಪ ಚಿಂತಿತ ಸಮಯವಾಗಿದೆ. ಸ್ಥಳೀಯ ಹಾಗೂ ಕುಟುಂಬಿಕರ ಕಟುನುಡಿಯು ನಿಮಗೆ ಬೇಸರ ತಂದೀತು. ಆರ್ಥಿಕವಾಗಿ ಹಾಗೂ ಮರಾಜಕೀಯವಾಗಿ ಅಭಿವೃದ್ಧಿ ಇರುತ್ತದೆ. ಆರೋಗ್ಯವು ಉತ್ತಮ.

ಮೀನ: ಶುಭ ಮಂಗಲ ಕಾರ್ಯದ ಸಮಯವು ಸಮೀಪವಿದೆ. ಅದರ ಉಪಯೋಗ ಮಾಡಿಕೊಂಡರೆ ಸಂತಸ. ಅತೀ ಹೆಚ್ಚು ಅಶಿಸುವುದು ಬೇಡ. ಮನೆಯಲ್ಲಿ ತಂದೆ-ತಾಯಿಗೆ ಸಂಭ್ರಮ ತಂದೀತು. ಆರ್ಥಿಕವಾಗಿ ಅಭಿವೃದ್ಧಿ.

ಎನ್.ಎಸ್. ಭಟ್