ಇಂದಿನ ಗ್ರಹಬಲ: ಈ ವಾರದಲ್ಲಿ ಈ ರಾಶಿಯವರಿಗೆ ಉತ್ತಮ ಫ‌ಲಗಳು ಗೋಚರಕ್ಕೆ ಬರುವುದು

15-04-2021

ಮೇಷ: ಆಗಾಗ ಕೆಲವೊಂದು ವಿಚಾರಗಳು ನಿಮ್ಮ ಮಾನಸಿಕ ಸ್ಥಿತಿಯನ್ನು ಕೆಡಿಸಲಿದೆ. ಇದರಿಂದ ನಿಮಗೆ ಉದ್ವೇಗ, ಕೋಪ, ಸಿಟ್ಟುಗಳು ಬರುವುದು ಜಾಸಿಯಾಗದೀತು. ಆದರೆ ಪ್ರಯತ್ನ ಬಲದಿಂದ ಹತ್ತಿಕ್ಕಿರಿ. ಮುಂದೆ ಚೆನ್ನಾಗಿರುತ್ತದೆ.

ವೃಷಭ: ಆರ್ಥಿಕ ಸ್ಥಿತಿಯಲ್ಲಿ ಏರುಪೇರು ಕಂಡು ಬರುವುದು. ಆರೋಗ್ಯದಲ್ಲೂ ದಿನಾ ಒಂದೊಂದು ತರಹ ಪೀಡೆ. ಇದರಿಂದ ನೊಂದು ಹೋಗುವಿರಿ. ಆದರೆ ಮನೆಯಲ್ಲಿ ಪತ್ನಿ, ಪುತ್ರಿಯ ಸಹಕಾರವು ನಿಮಗೆ ದೊರಕುವುದು.

ಮಿಥುನ: ಗೃಹಕೃತ್ಯದಲ್ಲಿ ಕೆಲವು ಸುಧಾರಣೆಗಳು ಕಂಡು ಬಂದು ಸಮಾಧಾನವಾಗಲಿದೆ. ಇಷ್ಟಕಾರ್ಯಗಳು ನೆರವೇರಿ ನೆಮ್ಮದಿ ಎನಿಸಲಿವೆ. ಕುಟುಂಬದ ಜನರ ಸಹಕಾರ ನಿಮಗೆ ದೊರಕುವುದು. ಪ್ರೀತಿ, ವಿಶ್ವಾಸ ಮುಖ್ಯ.

ಕರ್ಕ: ದೂರ ಸಂಚಾರದಿಂದ ಕಾರ್ಯಸಿದ್ಧಿಯಾಗಿ ಸಂತಸವಾಗಲಿದೆ. ಅವಿವಾಹಿತರಿಗೆ ಯೋಗ್ಯ ಪ್ರಸ್ತಾಪಗಳು ಕಂಡು ಬರಲಿವೆ. ಪ್ರಯೋಜನ ಪಡೆದುಕೊಳ್ಳಿರಿ. ಈ ವಾರವು ನಿಮಗೆ ಉತ್ತಮ ಫ‌ಲಗಳು ಗೋಚರಕ್ಕೆ ಬರುವುದು. ಶುಭವಿದೆ.

ಸಿಂಹ: ಇಡೀ ದಿನ ಕೆಲಸ ಕಾರ್ಯಗಳೆಂದು ದುಡಿ ಯುವ ನಿಮ್ಮ ಜೀವವು ವಿಶ್ರಾಂತಿ ಬಯಸುವುದು. ಮನಸ್ಸು ಸಮಾಧಾನದಿಂದಿರೊಲ್ಲ. ಧ್ಯಾನ ಹಾಗೂ ನಡಿಗೆಯನ್ನು ಮುಂದುವರಿಸಿರಿ. ಆರೋಗ್ಯವು ಉತ್ತಮಗೊಳ್ಳುವುದು.

ಕನ್ಯಾ: ಉದ್ಯೋಗದಲ್ಲಿ ಪದೇ ಪದೇ ಅನೇಕ ವಿಧದ ಎಡರುತೊಡರುಗಳು ಕಂಡು ಬರುವುದು. ಅದನ್ನು ದಾಟಿ ಮುನ್ನಡೆದರೆ ಫ‌ಲ ಸಿಗಲಿದೆ. ಪತ್ನಿಯಿಂದ ಒಳ್ಳೆಯ ಸಲಹೆಗಳು, ಸಹಕಾರವೂ ದೊರೆತು ನಿಮ್ಮಷ್ಟು ಸುಖೀ ಯಾರಿಲ್ಲ.

ತುಲಾ: ವಿದ್ಯಾರ್ಥಿಗಳಿಗೆ ನಿರೀಕ್ಷಿತ ಅವಕಾಶಗಳು ದೊರತು ಮುನ್ನಡೆವಿರಿ. ಆಗಾಗ ಅಡೆತಡೆಗಳು ಕಂಡು ಬಂದರೂ ಬೇಸರ ಮಾಡದೆ ಛಲ ಹಿಡಿದು ಮುನ್ನಡೆಯಿರಿ. ಮುಂದೆ ಸಫ‌ಲತೆ ಕಾಣುವಿರಿ. ಸನಿ¾ತ್ರರು ಸಹಕಾರ ಕೊಡಲಿದ್ದಾರೆ.

ವೃಶ್ಚಿಕ: ಸಾಂಸಾರಿಕವಾಗಿ ಆಂತರಿಕ ಸ್ಥಿತಿಗತಿಗಳು ನಿರೀಕ್ಷಿತ ರೀತಿಯಲ್ಲಿ ನಡೆದು ಸಮಾಧಾನ ಸಿಗಲಿದೆ. ಆಗಾಗ ಆರ್ಥಿಕ ಹಿನ್ನಡೆಯನ್ನು ಅನುಭವಿಸಬೇಕಾದೀತು. ವಾಯು ಪ್ರಕೋಪ ಕಂಡು ಬರುವುದು. ಸಹನೆಯಿಂದ ಸಂಸಾರದಲ್ಲಿ ಸುಖವಿದೆ.

ಧನು: ವೃತ್ತಿರಂಗದಲ್ಲಿ ಏಳಿಗೆಯನ್ನು ಕಾಣುವಿರಿ. ನೀವು ಆಸೆಪಟ್ಟ ವಿಷಯದಲ್ಲಿ ನಿಖರತೆ ಕಂಡು ಬರುವುದು. ಧನಾಗಮ ಅಷ್ಟಕಷ್ಟೆ ಆದರೂ ಕೊರತೆ ಆಗದು. ಆತ್ಮವಿಶ್ವಾಸ ಕೂಡಾ ನಿಮ್ಮನ್ನು ರಕ್ಷಿಸಲಿದೆ. ಧೈರ್ಯ ಅಗತ್ಯವಿದೆ.

ಮಕರ: ಶತ್ರುಗಳ ಸಮಯಸಾಧಕತನ ನಿಮ್ಮನ್ನು ಘಾಸಿಗೊಳಿಸಲಿದೆ. ಮಾತಿಗಿಂತ ಮೌನಲೇಸು. ವೃತ್ತಿರಂಗದಲ್ಲಿ ಸಹೋದ್ಯೋಗಿಗಳ ಸಹಯೋಗದಿಂದ ಮುಂದುವರಿಯಿರಿ. ವಿದ್ಯಾರ್ಥಿಗಳಿಗೆ ಉತ್ತಮ ಫ‌ಲಿತಾಂಶ ಸಿಗಲಿರುವುದು.

ಕುಂಭ: ನೂತನ ಕಾರ್ಯಾರಂಭ, ವ್ಯಾಪಾರ, ವ್ಯವಹಾರಗಳಿಗಿದು ಸಕಾಲವಲ್ಲ. ಉದ್ವೇಗದಿಂದ ಕ್ಷುಲ್ಲಕ ವಿಚಾರಗಳು ತೋರಿ ಬಂದು ಅಸಾಮಾಧಾನವು ಕಾಡಲಿದೆ. ಸಾಂಸಾರಿಕವಾಗಿ ಮಕ್ಕಳು, ಮೊಮ್ಮಕ್ಕಳ ಆಗಮನದಿಂದ ಹಬ್ಬದ ವಾತಾವರಣ.

ಮೀನ: ದೈಹಿಕವಾಗಿ ಹಾಗೂ ಮಾನಸಿಕವಾಗಿ ವ್ಯಾಕುಲತೆ ತೋರಿ ಬರುವುದು. ಶೈಕ್ಷಣಿಕ ವೃತ್ತಿಯವರಿಗೆ ನಿರೀಕ್ಷೆಗಿಂತ ಕಡಿಮೆ ಅಂಕಗಳು ದೊರೆತು ಬೇಸರವಾದೀತು. ನಿಮ್ಮ ಕರ್ತವ್ಯವನ್ನು ನಿರ್ಲಕ್ಷಿಸದಿರಿ. ಚ್ಯುತಿ ಬಾರದಂತೆ ವರ್ತಿಸಿರಿ

ಎನ್‌.ಎಸ್‌. ಭಟ್‌