ಇಂದಿನ ಗ್ರಹಬಲ: ಈ ರಾಶಿಯ ನಿರುದ್ಯೋಗಿಗಳಿಗೆ ಇಂದು ಹಲವು ಅವಕಾಶಗಳು ಕೂಡಿ ಬರಲಿದೆ

1-03-2021

ಮೇಷ: ದಾಂಪತ್ಯ ಜೀವನದಲ್ಲಿ ಸ್ವಲ್ಪ ತಪ್ಪು ಅಭಿಪ್ರಾಯದಿಂದ ಕಂಟಕಗಳು ಎದುರಾಗಲಿದೆ. ಆದರೂ ಸಮಾಧಾನದಿಂದ ಆಲಿಸಿ ತಿಳಿ ಹೇಳಿದರೆ ಉತ್ತಮ. ಅರ್ಥೈಸಿಕೊಂಡರೆ ಬದುಕು ಹಸನಾಗಲಿದೆ. ಹಠಮಾರಿ ಸ್ವಭಾವ ಬೇಡ.

ವೃಷಭ: ನಿರೀಕ್ಷಿತ ರೀತಿಯಲ್ಲಿ ಕೆಲಸ ಕಾರ್ಯಗಳು ನಡೆದರೂ ಕಿರಿಕಿರಿಯು ತಪ್ಪಲಾರದು. ಯಾವುದೇ ವಿಚಾರದಲ್ಲಿ ನಿರಾಶಾಭಾವ ತಾಳದಿರಿ. ಧನಾತ್ಮಕವಾಗಿ ಆಲೋಚಿಸಿರಿ. ಹಣಕಾಸಿನ ಸ್ಥಿತಿಯಲ್ಲಿ ಏರುಪೇರು ಕಂಡು ಬಂದರೆ ಎದೆಗುಂದದಿರಿ.

ಮಿಥುನ: ವಿದ್ಯಾರ್ಥಿಗಳಿಗೆ ನಿರೀಕ್ಷಿತ ಫ‌ಲ ಸದ್ಯದ ಸ್ಥಿತಿಯಲ್ಲಿ ತೃಪ್ತಿದಾಯಕವಾಗಿರದು. ಕೌಟುಂಬಿಕವಾಗಿ ಬಂಧುಬಾಂಧವರ ಸಹಕಾರ ನಿಮಗಿದ್ದರೂ ಅದು ಸಾಲದು. ಆರೋಗ್ಯಕ್ಕಾಗಿ ಉತ್ತಮ ಆಹಾರ, ಸಮಯಪಾಲನೆ ಅಗತ್ಯ.

ಕರ್ಕ: ಉದ್ಯೋಗ ವ್ಯವಹಾರಗಳಿಗೆ ಸಂಬಂಧಿಸಿದ ವಿಚಾರದಲ್ಲಿ ತುಂಬಾ ಎಚ್ಚರ ವಹಿಸಿರಿ. ಕಾರ್ಯರಂಗದಲ್ಲಿ ಛಲ ಬಿಡದೆ. ಪಟ್ಟು ಹಿಡಿದು ಮುನ್ನಡೆಯಿರಿ. ನಿರೀಕ್ಷಿತ ಅಭಿವೃದ್ಧಿಯು ನಿಮಗೆ ನಿಶ್ಚಿತ ರೂಪದಲ್ಲಿ ಕಂಡು ಬರಲಿದೆ.

ಸಿಂಹ: ಸ್ತ್ರೀಯರ ವಿಚಾರದಲ್ಲಿ ಸಮಸ್ಯೆಗಳು ತೋರಿ ಬಾರದಂತೆ ಗಮನಹರಿಸಿರಿ. ವಿದ್ಯಾರ್ಥಿಗಳಿಗೆ ನಿರೀಕ್ಷೆಯ ಫ‌ಲ ಸದ್ಯದ ಸ್ಥಿತಿಯಲ್ಲಿ ತೃಪ್ತಿದಾಯಕವಾಗಲಾರದು. ಒಳ್ಳೆಯದು ಕೆಟ್ಟದ್ದನ್ನು ನೀವು ಸಮಚಿತ್ತದಿಂದ ಸ್ವೀಕರಿಸಿರಿ.

ಕನ್ಯಾ: ವಿದ್ಯಾರ್ಥಿಗಳಿಗೆ ತುಂಬಾ ಉತ್ಸಾಹ ಕಂಡು ಬಂದೀತು. ನಿಮ್ಮ ಜೀವನದಲ್ಲಿ ಪ್ರಭಾವ ಬೀರಲಿರುವ ಹಲವು ಹೊಸ ಜನರ ಪರಿಚಯದಿಂದ ಲಾಭವಾಗಲಿದೆ. ವೃತ್ತಿರಂಗದಲ್ಲಿ ಸಮಾಧಾನ, ಮಾನಸಿಕ ದೃಢತೆ ಕಾಪಾಡಿರಿ.

ತುಲಾ: ಕುಟುಂಬದವರ ಹಿತನುಡಿ, ಸಹವರ್ತಿಗಳ, ಹಿರಿಯರ ಸಕಾಲಿಕ ಪ್ರೇರಣೆ ಇಂದು ನಿಮ್ಮನ್ನು ಕಾಪಾಡಲಿದೆ. ಆರೋಗ್ಯಭಾಗ್ಯವು ಕೊಂಚ ಏರುಪೇರಾಗುವ ಸಾಧ್ಯತೆ ಇರುತ್ತದೆ. ಹಣದ ಪರಿಸ್ಥಿತಿಯಲ್ಲಿ ಸುಧಾರಣೆ.

ವೃಶ್ಚಿಕ: ದೂರ ಸಂಚಾರದ ಸಿದ್ಧತೆ ಸಂತಸ ತರಲಿದೆ. ಜೀವನದಲ್ಲಿ ಮಹತ್ತರ ಬದಲಾವಣೆ ಹಂತದಲ್ಲಿ ನೀವೀಗ ಸಾಗುವಿರಿ. ಜೀವನವನ್ನು ಬಂದ ಹಾಗೆ ಎದುರಿಸುವುದನ್ನು ನೀವಿಗ ಕಲಿಯ ಬೇಕಾಗಿ ಬಂದೀತು.

ಧನು: ನಿಮ್ಮ ಕಣ್ಣೆದುರು ಕೆಲವು ಕೆಟ್ಟ ವಿಷಯಗಳು ಜರಗಿದರೂ ಕಣ್ಮುಚ್ಚಿ ಕೂರಬೇಕಾದೀತು. ನಿರುದ್ಯೋಗಿಗಳಿಗೆ ಹಲವು ಅವಕಾಶಗಳು ಕೂಡಿ ಬರಲಿದೆ. ಹಲವು ಖರ್ಚುವೆಚ್ಚಗಳು ಕಂಡು ಬಂದರೂ ಮಿತಿ ಇರಲಿ.

ಮಕರ: ನಿಮ್ಮ ಸ್ವಂತ ಯೋಗ್ಯತೆ ಹಾಗೂ ಪ್ರಯತ್ನ ಬಲದಿಂದ ಫ‌ಲಗಳು ಗೋಚರಕ್ಕೆ ಬರಲಿವೆ. ಕಾರ್ಯರಂಗದಲ್ಲಿ ಇತರರ ಅವಶ್ಯಕತೆ ನಿಮಗೆ ಕಂಡು ಬಾರದು. ಜಡೆಯನ್ನು ಕೊಡವಿ ಮೇಲೆದ್ದರೆ ಜಯ ಗಳಿಸುವಿರಿ.

ಕುಂಭ: ವೃತ್ತಿರಂಗದಲ್ಲಿ ದಿಟ್ಟ ನಿರ್ಧಾರಗಳು, ಅವಕಾಶಗಳಲ್ಲಿ ಶೀಘ್ರ ಸ್ಪಂದನ ಅವಶ್ಯಕವಾಗಿದೆ. ಪ್ರತಿ ಸ್ಫರ್ದಿಗಳು ನಿಮ್ಮ ವೈಫ‌ಲ್ಯವನ್ನು ಸದುಪಯೋಗಿಸಿ ಕೊಂಡಾರು. ಜಾಗ್ರತೆ ವಹಿಸಿರಿ. ಆಪ್ತ ವಲಯದಲ್ಲಿ ಸ್ಥಾನ ಸಿಗಲಿದೆ.

ಮೀನ: ಹತ್ತು ಹಲವನ್ನು ಹಂಬಲಿಸಿ ಮುನ್ನುಗ್ಗದಿರಿ. ತಾತ್ಕಾಲಿಕವಾಗಿ ಅದೃಷ್ಟದ ತೆರೆಗಳು ನಿಮಗೆ ಅನುಕೂಲವಾಗಿ ತೋರಿ ಬರುವುದು. ವ್ಯಾಪಾರ, ವ್ಯವಹಾರದಲ್ಲಿ ನಿರೀಕ್ಷಿತ ಅಭಿವೃದ್ಧಿಯು ನಿಮ್ಮ ಮುನ್ನಡೆಗೆ ಸಾಧಕವಾಗಲಿದೆ.

ಎನ್‌.ಎಸ್‌. ಭಟ್‌