ಇಂದು ನಿಮ್ಮ ಗ್ರಹಬಲ: ಈ ರಾಶಿಯವರಿಗಿಂದು ಶತ್ರುಪೀಡೆಯಿಂದಾಗಿ ಪದೇ ಪದೇ ಕಾರ್ಯ ಹಾನಿಯಾದೀತು!

25-01-2021

ಮೇಷ: ಗೃಹದಲ್ಲಿ ಅಶಾಂತಿ ಕಂಡು ಬಂದರೂ ಎಲ್ಲದಕ್ಕೂ ಮೌನವೇ ಲೇಸು ಎಂಬ ಸೂತ್ರ ಪಾಲಿಸಿರಿ. ವ್ಯವಹಾರದಲ್ಲಿ ಉತ್ತಮ ಅಭಿವೃದ್ಧಿ ಇದ್ದರೂ ಸಾಲದು ಎಂಬ ಅತೃಪ್ತ ಮನೋಭಾವವು ಕಂಡುಬರುವುದು.

ವೃಷಭ: ಹೊಸ ಹೊಸ ಮಾರ್ಗಗಳು ಆದಾಯಕ್ಕೆ ಕಂಡುಬಂದಾವು. ಆರೋಗ್ಯದಲ್ಲಿ ಏರುಪೇರಿನಿಂದ ಅಷ್ಟೇ ಖರ್ಚುವೆಚ್ಚಗಳು ಕಂಡುಬಂದಾವು. ಅತೀ ಅವಸರದಿಂದ ಅಚಾತುರ್ಯದಿಂದ ದುಷ್ಪರಿಣಾಮಗಳು ಕಂಡುಬಂದಾವು.

ಮಿಥುನ: ಅಧಿಕ ರಕ್ತದೊತ್ತಡದಿಂದ ದೇಹದಲ್ಲಿ ಬಾಧೆ ಕಂಡುಬಂದೀತು. ಆತ್ಮಶಕ್ತಿ ವರ್ಧಿಸಿಕೊಳ್ಳಿರಿ. ಸಂಯಮದಿಂದ ಕೆಲಸ ಕಾರ್ಯದಲ್ಲಿ ತೊಡಗಿಸಿಕೊಳ್ಳಿರಿ. ಅನೇಕ ವಿಧದ ಕಿರಿಕಿರಿಗಳು ಪತ್ನಿಯಿಂದ ಬರುವುದು.

ಕರ್ಕ: ವಿದ್ಯಾ ಕ್ಷೇತ್ರದಲ್ಲಿ ವಿದ್ಯಾರ್ಥಿಗಳ ಅಲಕ್ಷ್ಯದಿಂದ ಹಿಂದೆ ಬಿದ್ದಿರುವುದು ಕಂಡುಬರುವುದು. ಕಿವಿಚುಚ್ಚುವ ಮಾತಿನಿಂದ ಮೈತ್ರಿಯಲ್ಲಿ ಬಿರುಕು ಕಾಣಿಸಲಿದೆ. ಕಾರ್ಯಕ್ಷೇತ್ರದಲ್ಲಿ ಮುಂಭಡ್ತಿಯ ಯೋಗವಿದೆ.

ಸಿಂಹ: ವ್ಯಾಪಾರಿಗಳಿಗೆ ಹೆಚ್ಚಿನ ಕರ ವಸೂಲಾತಿ ಸಂಭವವಿದೆ. ಕಟ್ಟಡದ ಕಾಮಗಾರಿಯವರಿಗೆ ಇದ್ದುದರಲ್ಲೇ ತೃಪ್ತಿ ಪಡಬೇಕಾದೀತು. ಆರೋಗ್ಯದಲ್ಲಿ ಉಷ್ಣವಾಯು ಪೀಡೆಯು ಸಾಕಷ್ಟು ತೊಂದರೆ ಕೊಡಲಿದೆ. ಶುಭವಿರುವುದು.

ಕನ್ಯಾ: ವ್ಯಾಪಾರಿ ವರ್ಗಕ್ಕೆ ಉತ್ತಮ ಅಭಿವೃದ್ಧಿ ಇದೆ. ನೂತನ ಬಂಧು ಹಾಗೂ ಮಿತ್ರರ ಆಗಮನದಿಂದ ಸಂತಸ. ಸ್ಥಾನ ಪ್ರಾಪ್ತಿಗಾಗಿ ತಡಕಾಟವಿದ್ದೀತು. ಮಾರ್ಗಾಯಾಸದಿಂದ ಕಾಲಹರಣವಾದೀತು. ಮಕ್ಕಳ ವಿದ್ಯೆಗಾಗಿ ಖರ್ಚು.

ತುಲಾ: ಸಂಪಾದನೆಯನ್ನು ವರ್ಧಿಸಿಕೊಂಡರೆ ವೆಚ್ಚ ಅದನ್ನು ಮೀರಿ ಇದ್ದೀತು. ದೈವಬಲದ ಅನುಗ್ರಹಕ್ಕಾಗಿ ಪ್ರಾರ್ಥನೆ ಮಾಡಿರಿ. ಸುಖಕ್ಕೆ ಎರವಾಗುವ ಯಾವ ಯೋಜನೆಗಳೂ ಕಷ್ಟದಿಂದಲೇ ಗುರಿ ಮುಟ್ಟಲಿದೆ. ಶುಭವಿದೆ.

ವೃಶ್ಚಿಕ: ಶತ್ರುಪೀಡೆಯಿಂದಾಗಿ ಪದೇ ಪದೇ ಕಾರ್ಯಹಾನಿಯಾದೀತು. ಹಾಳು ವ್ಯಸನದ ಗೀಳಿಗೆ ಬೀಳದಿರಿ. ವೈವಾಹಿಕ ಮಾತುಕತೆಗೆ ಪ್ರಾರಂಭ ದೊರಕಲಿದೆ. ವಿದ್ಯಾರ್ಜನೆಯಲ್ಲೂ ಯಶೋಲಾಭ ಕಂಡು ಬರಲಾರದು.

ಧನು: ಸರಕಾರಿ ಕಾರ್ಯದ ಸಿದ್ಧಿಯಾಗಲಿದೆ. ನ್ಯಾಯಾಲಯದ ಕೆಲಸಗಳೂ ಸಫ‌ಲವಾಗಲಿದೆ. ಮಕ್ಕಳ ಆರೋಗ್ಯ ಹದಗೆಡಲಿದ್ದು ಚಿಕಿತ್ಸೆಯಲ್ಲಿ ಕಳವಳವಾದೀತು. ಅನಾವಶ್ಯಕ ಪ್ರಯಾಣಗಳು ಕಂಡುಬಂದು ಖರ್ಚಾಗಲಿದೆ.

ಮಕರ:ವ್ಯಾಪಾರಿ ವರ್ಗಕ್ಕೆ ಉತ್ತಮ ಪ್ರಗತಿಯಿದೆ. ಗೃಹ ನಿರ್ಮಾಣದಂತಹ ಕೆಲಸ ಆರಂಭಿಸುವಿರಿ. ನಿವೇಶನ ಖರೀದಿಗಿದು ಸಕಾಲ. ಧನವ್ಯಯ ಅತಿಯಾದರೂ ಇಷ್ಟಾರ್ಥ ಸಿದ್ಧಿಯಾಗಲಿದೆ. ನೆರೆಕರೆಯಲ್ಲಿ ಮನಸ್ತಾಪ ಕಂಡುಬರಲಿದೆ.

ಕುಂಭ: ಸರ್ವತೋಮುಖ ಅಭಿವೃದ್ಧಿಗೆ ಕಠಿಣ ಪರಿಶ್ರಮವು ಬೇಕಾದೀತು. ಮಧ್ಯದಲ್ಲಿ ಶತ್ರುಪೀಡೆಯಿಂದ ಮನಕ್ಲೇಶ ತಂದೀತು. ಆಪ್ತರ ಸಲಹೆಗೆ ಗಮನಕೊಡಿರಿ. ದುಃಖ ಹಂಚಿಕೊಳ್ಳಿರಿ. ಆರೋಗ್ಯದಲ್ಲಿ ಏರುಪೇರು.

ಮೀನ: ಯೋಜನೆಗೆ ಕೈಹಾಕಿ ಕೆಲಸ ಸಾಧಿಸಿದ ಮೇಲೆಯೇ ಪ್ರಕಟಗೊಳ್ಳುವ ಮನೋವೃತ್ತಿಯವರಾದ ನೀವಿಂದು ಸ್ವಲ್ಪ ದಾರಿ ಬೇರೆ ಮಾಡಬೇಕಾದೀತು. ಚೆನ್ನಾದ ಸಂಪಾದನೆ ಇದ್ದರೂ ದುಡ್ಡು ಕೈಗೆ ಬಾರದು. ಗರಿಷ್ಠ ಖರ್ಚು.

 

ಎನ್.ಎಸ್. ಭಟ್‌