Advertisement
ಅಪರಾಹ್ನ 1ರ ಸುಮಾರಿಗೆ ರಾಜನಾಥ್‌ ಸಿಂಗ್ ಕಾರ್ಕಳದಿಂದ ಹೆಲಿಕಾಪ್ಟರ್‌ನಲ್ಲಿ ತಾಲೂಕು ಕ್ರೀಡಾಂಗಣಕ್ಕೆ ಆಗಮಿಸಲಿದ್ದಾರೆ. ಬಳಿಕ ಸಂತೆಕಟ್ಟೆ ಮಂಜುನಾಥ ಸ್ವಾಮಿ ಸಭಾಭವನದಲ್ಲಿ ಹಮ್ಮಿಕೊಂಡಿರುವ ಕಾರ್ಯಕ್ರಮದಲ್ಲಿ ಬಿಜೆಪಿ ಅಭ್ಯರ್ಥಿಪರ ಪ್ರಚಾರ ಮಾಡಲಿದ್ದಾರೆ. ಬಳಿಕ ಉದ್ಯಮಿ ರಾಜೇಶ್‌ ಪ್ರಭು ಅವರ ನಿವಾಸದಲ್ಲಿ ಭೋಜನಕ್ಕೆ ವ್ಯವಸ್ಥೆ ಮಾಡಲಾಗಿದೆ ಎನ್ನಲಾಗಿದೆ. 2 ಗಂಟೆ ಬಳಿಕ ಉಡುಪಿಗೆ ಹೆಲಿಕಾಪ್ಟರ್‌ ಮೂಲಕ ತೆರಳಲಿದ್ದಾರೆ ಎಂಬ ಮಾಹಿತಿಯಿದೆ.
ತಾಲೂಕು ಮೈದಾನ ದಲ್ಲಿ ಹೆಲಿಪ್ಯಾಡ್‌ ನಿರ್ಮಿಸಲಾಗಿದ್ದು, ಅಧಿಕಾರಿಗಳು ರವಿವಾರ ಪರಿಶೀಲನೆ ನಡೆಸಿದರು. ಸೋಮವಾರ ಬೆಳಗ್ಗೆ ಮತ್ತೆ ಪರಿಶೀಲಿಸಿ ನಿರ್ಬಂಧ ಹೇರಲಾಗುತ್ತದೆ. ವಿಶೇಷ ರಕ್ಷಣ ವ್ಯವಸ್ಥೆ
ಕೇಂದ್ರ ಗೃಹ ಸಚಿವರ ಆಗಮನಕ್ಕಾಗಿ ವಿಶೇಷ ರಕ್ಷಣ ವ್ಯವಸ್ಥೆ ಕೈಗೊಳ್ಳಲಾಗಿದೆ. 40 ಮಂದಿ ಅರೆಸೇನಾಪಡೆ ಸಿಬಂದಿ, 6 ಮಂದಿ ಸಬ್‌ ಇನ್ಸ್‌ಪೆಕ್ಟರ್‌, 2 ಮಂದಿ ಇನ್ಸ್ಪೆಕ್ಟರ್‌ಗಳು, ಒಬ್ಬರು ಡಿಎಸ್‌ಪಿ ಹಾಗೂ ಇತರ ಸಿಬಂದಿ ಕಾರ್ಯ ನಿರ್ವಹಿಸಲಿದ್ದಾರೆ.