2018-19ರಲ್ಲಿ 12,000 ಉಚಿತ ದನ ವಿತರಿಸುವ ತ.ನಾ.ಸರಕಾರ

ಚೆನ್ನೈ : ಉಪ ಮುಖ್ಯಮಂತ್ರಿ ಓ ಪನ್ನೀರಸೆಲ್ವಂ ಅವರ ಪ್ರಧಾನ ಸಮಾಜ ಕಲ್ಯಾಣ ಯೋಜನೆಯಡಿ ತಮಿಳುನಾಡು ಸರಕಾರ 2018-19ರಲ್ಲಿ ಒಂದೂವರೆ ಲಕ್ಷ ಫ‌ಲಾನುಭವಿಗಳಿಗೆ 12,000 ಹಾಲು ಕೊಡುವ ದನಗಳನ್ನು, ಆರು ಲಕ್ಷ ಕುರಿ ಅಥವಾ ಆಡುಗಳನ್ನು ಉಚಿತವಾಗಿ ವಿತರಿಸಲು ಉದ್ದೇಶಿಸಿದೆ. 

ಕೃಷಿಕರಿಗೆ ಉಚಿತವಾಗಿ ಹಾಲು ಕೊಡುವ ದನ, ಕುರಿ, ಆಡುಗಳನ್ನು ಒದಗಿಸುವುದು ಎಐಎಡಿಎಂಕ ಪಕ್ಷದ ಪರಮೋಚ್ಚನಾಯಕಿ, ಮಾಜಿ ಮುಖ್ಯಮಂತ್ರಿ, ದಿ| ಜೆ ಜಯಲಲಿತಾ ಅವರ ಅಚ್ಚುಮೆಚ್ಚಿನ ಯೋಜನೆಯಾಗಿದ್ದು ಅದನ್ನಾಕೆ 2011ರಲ್ಲಿ ಆರಂಭಿಸಿದ್ದರು.

ಉಪ ಮುಖ್ಯಮಂತ್ರಿ ಪನ್ನೀರಸೆಲ್ವಂ ಅವರು ತಮ್ಮ ಬಜೆಟ್‌ ಭಾಷಣದಲ್ಲಿ 2018-19ರಲ್ಲಿ 248.58 ಕೋಟಿ ರೂ. ವೆಚ್ಚದಲ್ಲಿ ಒಂದೂವರೆ ಲಕ್ಷ ಫ‌ಲಾನುಭವಿಗಳಿಗೆ ಒಟ್ಟು 12,000 ಹಾಲು ಕೊಡುವ ದನಗಳನ್ನು ಮತ್ತು ಆರು ಲಕ್ಷ ಕುರಿಗಳನ್ನು ಉಚಿತವಾಗಿ ಪೂರೈಸಲು ನಿರ್ಧರಿಸಲಾಗಿದೆ ಎಂದು ಹೇಳಿದ್ದರು. 

2011ರಿಂದ ಈ ತನಕ 75,398 ಮಹಿಳೆಯರಿಗೆ ತಲಾ ಒಂದು ದನವನ್ನು, 8.71 ಲಕ್ಷ ಬಡ ಕುಟುಂಬಗಳಿಗೆ 34.85 ಲಕ್ಷ  ಕುರಿ/ಆಡುಗಳನ್ನು ತಮಿಳು ನಾಡು ಸರಕಾರ ಪೂರೈಸಿದೆ.