TMC ಸಂಸದ ಸೌಮಿತ್ರ ಖಾನ್‌ ಬಿಜೆಪಿಗೆ, CM ಮಮತಾಗೆ ಹಿನ್ನಡೆ

ಹೊಸದಿಲ್ಲಿ : ತೃಣಮೂಲ ಕಾಂಗ್ರೆಸ್‌ ಸಂಸದ ಸೌಮಿತ್ರ ಖಾನ್‌ ಇಂದು ಬುಧವಾರ ಭಾರತೀಯ ಜನತಾ ಪಕ್ಷ ಸೇರಿಕೊಂಡರು. 

ಖಾನ್‌ ಅವರ ಬಿಜೆಪಿ ಸೇರ್ಪಡೆಯೊಂದಿಗೆ ಪಶ್ಚಿಮ ಬಂಗಾಲದಲ್ಲಿ ಲೋಕಸಭೆ ಚುನಾವಣೆಗೆ ಸರ್ವ ಸನ್ನದ್ಧವಾಗುವ ಬಿಜೆಪಿಯ ಯತ್ನಕ್ಕೆ ಹೊಸ ಶಕ್ತಿ ಬಂದಂತಾಗಿದೆ.

ಖಾನ್‌ ಅವರಿಂದು ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಅವರೊಂದಿಗೆ ಮಾತುಕತೆ ನಡೆಸಿದ ಬಳಿಕ ಬಿಜೆಪಿ ಸೇರಿಕೊಂಡರು. 

ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರ ಪಶ್ಚಿಮ ಬಂಗಾಲದಲ್ಲಿ ಪ್ರಜಾಸತ್ತೆ ಇಲ್ಲ , ಕೇವಲ ಪೊಲೀಸ್‌ ರಾಜ್‌ ಮಾತ್ರವೇ ಇದೆ ಎಂದು 38ರ ಹರೆಯದ ನಾಯಕ ಖಾನ್‌ ಹೇಳಿದರು. ಪಶ್ಚಿಮ ಬಂಗಾಲದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರಿಂದಾಗಿ ಸರ್ವತೋಮುಖ ಬದಲಾವಣೆ ಬರುವುದೆಂಬ ವಿಶ್ವಾಸವನ್ನು ಖಾನ್‌ ವ್ಯಕ್ತಪಡಿಸಿದರು.