ಬೆವರಿನ ದುರ್ಗಂಧ ನಿವಾರಣೆಗೆ ಟಿಪ್ಸ್‌

ಬೇಸಗೆಯಲ್ಲಿ ಮೈ ಬೆವರುವುದು ಸಾಮಾನ್ಯ. ಆದರೆ ಕೆಲವರಿಗೆ ಬೆವರು ಒಂದು ಸಮಸ್ಯೆಯಾಗಿ ಕಾಡುತ್ತದೆ. ಇಂಥ ವರು ಇಲ್ಲಿರುವ ವಿಧಾನಗಳನ್ನು ಅನುಸರಿಸಿ, ಬೆವರು ವಾಸನೆಯ ಸಂಕಷ್ಟದಿಂದ ಪಾರಾಗಬಹುದು. 
  ಬೇಸಗೆಯಲ್ಲಿ ಎರಡು ಬಾರಿ ಸ್ನಾನ ಮಾಡಿ.
  ಹೆಚ್ಚು ನೀರು ಕುಡಿಯಬೇಕು.
  ಸ್ನಾನದ ಅನಂತರ ಸೌತೆಕಾಯಿಯ ತುಣುಕಿ ನಿಂದ ಮೈ ಉಜ್ಜಿ ಕೊಂಡರೆ, ವಾಸನೆ ಕಡಿಮೆ ಯಾಗುತ್ತದೆ. ಕೆಟ್ಟ ವಾಸನೆ ಬೀರುವ ಬ್ಯಾಕ್ಟೀರಿಯಾಗಳ ನಾಶಕ್ಕೆ ಸೌತೆಕಾಯಿ ಸಹಕಾರಿ.
  ಸ್ನಾನದ ಅನಂತರ, ಅಡುಗೆ ಸೋಡಾವನ್ನು ಸ್ವಲ್ಪ ನೀರಿನಲ್ಲಿ ಹಾಕಿ ಕಂಕುಳು, ಇತರ ಭಾಗಗಳಿಗೆ ಸವರಿದರೆ ಬೆವರಿನ ಸಮಸ್ಯೆ  ಕಾಡುವುದಿಲ್ಲ.
  ಅರ್ಧ ಹೋಳು ಲಿಂಬೆಯನ್ನು ಕಂಕುಳಿಗೆ ಹಚ್ಚಿ ಸ್ನಾನ ಮಾಡಿ.
  ಸ್ನಾನದ ನೀರಿರುವ ಬಕೆಟ್‌ಗೆ ಲಿಂಬೆ ಹಣ್ಣು ಹಿಂಡಿದರೂ ಆದೀತು.
  ಮಸಾಲೆ ಮತ್ತು ಹೆಚ್ಚು ಕೆಫಿನ್‌ ಅಂಶವಿರುವ ಆಹಾರ ಸೇವನೆಯಿಂದ ಬೆವರಿನ ದುರ್ಗಂಧ ಹೆಚ್ಚುತ್ತದೆ. ಬೇಸಗೆಯಲ್ಲಿ ಇಂಥ ಆಹಾರಗಳ ಸೇವನೆಯನ್ನು ಕಡಿಮೆ ಮಾಡಿ.
  ಪ್ರತಿದಿನವೂ ಶುಭ್ರವಾದ ಬಟ್ಟೆಗಳನ್ನೇ ಧರಿಸಿ.
  ಬೇವಿನ ಎಲೆಯ ರಸ ಬೆರೆಸಿದ ನೀರಿನಿಂದ ಸ್ನಾನ ಮಾಡಿ.
  ಬಿಗಿಯಾದ ಉಡುಪು ಧರಿಸದೆ, ದೇಹಕ್ಕೆ ಹಿತವೆನಿಸುವ ಹತ್ತಿಯ ಬಟ್ಟೆ ಧರಿಸಿ.