ಶಿಬರೂರು ಸೇತುವೆ ಬಳಿ ಹುಲಿ: ಸುಳ್ಳು ವೀಡಿಯೋ ವೈರಲ್‌

ಸುರತ್ಕಲ್‌: ಸುರತ್ಕಲ್‌ ಹೊರವಲಯದ ಸೂರಿಂಜೆ ಕಿನ್ನಿಗೋಳಿ ರಸ್ತೆಯ ಶಿಬರೂರು ಸೇತುವೆ ಬಳಿ ಹುಲಿ ನೋಡಿದ್ದು, ಜನತೆ ಜಾಗ್ರತೆಯಿಂದ ಇರಬೇಕೆಂದು ಕೋರಿಕೊಂಡ ಆಡಿಯೋ/ವಿಡಿಯೋವೊಂದು ಸ್ಥಳೀಯರಲ್ಲಿ ಭೀತಿಗೆ ಕಾರಣವಾಗಿದೆ.

ಈ ವೀಡಿಯೋ ಶುಕ್ರವಾರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದ್ದು,  ಮುಸ್ಲಿಂ ಭಾಷೆಯಲ್ಲಿ ಆಡಿಯೋ ಇದೆ. ಹುಲಿ ಸೇತುವೆ ದಾಟುವ ವೀಡಿಯೋ ತುಣುಕು ಸೇರಿಸಿ ವಾಟ್ಸ್‌ಆ್ಯಪ್‌ಗೆ ಹರಿಯಬಿಡಲಾಗಿತ್ತು. ಇದು ಭಾರೀ ಪ್ರಮಾಣದಲ್ಲಿ ಶೇರ್‌ ಕೂಡ ಆಗಿತ್ತು.

ಇದನ್ನೂ ಓದಿ:ಮತ್ತೆ ಏರಿಕೆ ಕಂಡ ತೈಲ ಬೆಲೆ; 12 ದಿನದಲ್ಲಿ 7.20 ರೂ. ಏರಿಕೆ ಕಂಡ ಪೆಟ್ರೋಲ್-ಡೀಸಲ್ ದರ

ಸ್ಥಳೀಯ ಕಂದಾಯ ಆಧಿಕಾರಿಗಳನ್ನು ಸಂಪರ್ಕಿಸಿ ಮಾಹಿತಿ ಕೇಳಿದಾಗ ಯಾರೋ ಕಿಡಿಗೇಡಿಗಳು ಸುಳ್ಳು ಸುದ್ದಿಯನ್ನು ಹರಿಯ ಬಿಟ್ಟಿದ್ದು ಎಂದವರು ಸ್ಪಷ್ಟನೆ ನೀಡಿದ್ದಾರೆ.