ಹುಲಿ ದಾಳಿಗೆ ಹಸು ಬಲಿ

ಹೊಸನಗರ: ಕೊಡಚಾದ್ರಿ ತಪ್ಪಲಿನ ತಾಲೂಕಿನ ನಿಟ್ಟೂರು ಗ್ರಾಪಂ ವ್ಯಾಪ್ತಿಯ ಬೇಳೂರು ಸಮೀಪದ ಮಡವಿ ಕೃಷ್ಣಪ್ಪ ಎಂಬುವವರ ದನ ಹುಲಿ ಬಾಯಿಗೆ ತುತ್ತಾಗಿರುವ ಘಟನೆ ಮಂಗಳವಾರ ಸಂಜೆ ನಡೆದಿದೆ. ಈ ಭಾಗದಲ್ಲಿ ಮೇಯಲು ಹೋದ ದನಗಳ ಮೇಲೆ ನಿರಂತರವಾಗಿ ಹುಲಿ ದಾಳಿ ಮಾಡುತ್ತಿದೆ.

ಸುಮಾರು 7ರಿಂದ 8 ರೈತರ ಹಸುಗಳನ್ನು ಹುಲಿ ತಿಂದು ಹಾಕಿದರೂ ಸಹ ಅರಣ್ಯ ಇಲಾಖೆ ಸೂಕ್ತ ಕ್ರಮ ಜರುಗಿಸುತ್ತಿಲ್ಲ ಎಂದು ಈ ಭಾಗದ ಗ್ರಾಮಸ್ಥರು ದೂರಿದ್ದಾರೆ. ಈ ಸಂಬಂಧ ಅರಣ್ಯ ಇಲಾಖೆ ಅಧಿಕಾರಿಗಳು ಕೂಡಲೇ ಸ್ಥಳಕ್ಕೆ ಭೇಟಿ ನೀಡಿ, ಹುಲಿಯನ್ನು ಹಿಡಿಯುವ ಪ್ರಯತ್ನ ಮಾಡಬೇಕು ಎಂದು ರೈತರು ಆಗ್ರಹಿಸಿದ್ದಾರೆ.