ಮೊದಲ ಪಿಂಕ್ ಬಾಲ್ ಟೆಸ್ಟ್ ಗೆ ಜನಬೆಂಬಲ: ಟಿಕೆಟ್ ಮಾರಾಟ ಆರಂಭ

ಕೋಲ್ಕತ್ತಾ: ಭಾರತದ ಮೊದಲ ಹಗಲು- ರಾತ್ರಿ ಟೆಸ್ಟ್ ಪಂದ್ಯಕ್ಕೆ ದಿನಗಣನೆ ಆರಂಭವಾಗಿದೆ. ಈಡನ್ ಗಾರ್ಡನ್ ನಲ್ಲಿ ನವೆಂಬರ್ 22ರಿಂದ ಆರಂಭವಾಗಲಿರುವ ಬಾಂಗ್ಲಾ ವಿರುದ್ಧದ ಪಂದ್ಯಕ್ಕೆ ಟಿಕೆಟ್ ಮಾರಾಟ ಆರಂಭವಾಗಿದೆ.

ಆನ್ ಲೈನ್ ಮಾರಾಟಕ್ಕೆ ನೀಡಲಾಗಿರುವ ಟಿಕೆಟ್ ಗಳಲ್ಲಿ ಮೊದಲ ಮೂರು ದಿನದ 30 ಶೇಕಡಾ ಟಿಕೆಟ್ ಗಳು ಈಗಾಗಲೇ ಮಾರಾಟವಾಗಿದೆ. ನಾಲ್ಕನೇ ದಿನದ 3500 ಟಿಕೆಟ್ ಗಳು ಕೂಡಾ ಮಾರಾಟವಾಗಿದೆ ಎಂದು ಬೆಂಗಾಲ್ ಕ್ರಿಕೆಟ್ ಅಸೋಸಿಯೇಶನ್ ನ ಕಾರ್ಯದರ್ಶಿ ಅಭೀಶೇಕ್ ಡಾಲ್ಮಿಯಾ ಹೇಳಿದ್ದಾರೆ.

ಗ್ಲೋಬಲ್ ಕ್ಯಾನ್ಸರ್ ಟ್ರಸ್ಟ್ ನೊಂದಿಗೆ ಕೈಜೋಡಿಸಿರುವ ಬೆಂಗಾಲ್ ಕ್ರಿಕೆಟ್ ಅಸೋಸಿಯೇಶನ್ ಈ ಪಂದ್ಯದಲ್ಲಿ ವಿಶೇಷ ಕಾರ್ಯಕ್ರಮವೊಂದನ್ನು ರೂಪಿಸಿದೆ. ಸ್ಥನ ಕ್ಯಾನ್ಸರ್ ನೊಂದಿಗೆ ಹೋರಾಡಿ ಗೆದ್ದ 20 ಮಹಿಳೆಯರನ್ನು ಮೊದಲ ದಿನದ ಪಂದ್ಯಕ್ಕೆ ಆಹ್ವಾನಿಸಲಾಗಿದೆ. ಅಷ್ಟೇ ಅಲ್ಲದೆ ಕ್ಯಾನ್ಸರ್ ರೋಗಿಗಳಿಗೆ ಈಡನ್ ಮೈದಾನದಲ್ಲಿ ಕ್ರಿಕೆಟ್ ಆಡಲು ಅವಕಾಶ ಕಲ್ಪಿಸಲಾಗಿದೆ.