ಪುಣೆ ಡ್ಯಾಮಿಗೆ ಬಿದ್ದು ಮೂವರು ಚೆನ್ನೈ ವಿದ್ಯಾರ್ಥಿಗಳ ಸಾವು

ಪುಣೆ : ಮಹಾರಾಷ್ಟ್ರದ ಪುಣೆಗೆ ಸಮ್ಮರ್‌ ಕ್ಯಾಂಪಿಗಾಗಿ ತಮ್ಮ ಸಹಪಾಠಿಗಳೊಂದಿಗೆ ಬಂದಿದ್ದ ಚೆನ್ನೈ ನ ಮೂವರು ಶಾಲಾ ವಿದ್ಯಾರ್ಥಿಗಳು ಇಲ್ಲಿಂದ ಸುಮಾರು 50 ಕಿ.ಮೀ. ದೂರದಲ್ಲಿರುವ Mulshi ಅಣೆಕಟ್ಟಿನಲ್ಲಿ  ಬಿದ್ದು ಮೃತಪಟ್ಟಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಚೆನ್ನೈನ ಇಸಿಎಸ್‌ ಮ್ಯಾಟ್ರಿಕ್ಯುಲೆಶನ್‌ ಸ್ಕೂಲ್‌ನ 20 ವಿದ್ಯಾರ್ಥಿಗಳ ತಂಡದವರು ತಮ್ಮ ಶಿಕ್ಷಕರೊಂದಿಗೆ Mulshi ಡ್ಯಾಮ್‌ ವೀಕ್ಷಣೆಗೆ ಬಂದಿದ್ದಾಗ ಈ ದುರ್ಘ‌ಟನೆ ಸಂಭವಿಸಿದೆ. 

ಮೃತ ಬಾಲಕರನ್ನು ದಾನಿಶ್‌ ರಾಜಾ, ಶ್ರವಣ ಕುಮಾರ್‌ ಮತ್ತು ಸಂತೋಷ್‌ ಗಣೇಶ್‌ (ಎಲ್ಲರೂ 14ರ ಹರೆಯದವರು) ಎಂದು ಗುರುತಿಸಲಾಗಿದೆ.