ಗ್ರೀನ್ ಜೋನ್ ಕೊಪ್ಪಳಕ್ಕೂ ಕೋವಿಡ್-19 ಕಳವಳ: ಮೂವರಿಗೆ ಸೋಂಕು ದೃಢ

ಕೊಪ್ಪಳ: ಈವರೆಗೂ ಗ್ರೀನ್ ಜೋನ್ ನಲ್ಲಿದ್ದ ಕೊಪ್ಪಳ ಜಿಲ್ಲೆಗೂ ಕೋವಿಡ್-19 ಸೋಂಕು ಮಹಾಮಾರಿ ಒಕ್ಕರಿಸುವ ಮೂಲಕ ಜಿಲ್ಲೆಯ ಜನರನ್ನು ಬೆಚ್ಚಿ ಬೀಳಿಸಿದೆ.

ಸೋಮವಾರ ಜಿಲ್ಲೆಯಲ್ಲಿ ಮೂರು ಕೋವಿಡ್ ಪಾಸಿಟಿವ್ ಕೇಸ್ ಪತ್ತೆಯಾಗಿದ್ದು ಈ ಕುರಿತು ಜಿಲ್ಲಾಡಳಿತ ದೃಢಪಡಿಸಿದೆ.

P-1173 ಪುರುಷನು ಮಹಾರಾಷ್ಟದಿಂದ ಕೊಪ್ಪಳ ಜಿಲ್ಲೆಗೆ ಪ್ರಯಾಣ ಮಾಡಿದ್ದರೆ, P-1174 ಮಹಿಳೆಯು ಮಹಾರಾಷ್ಟ್ರ ದಿಂದ ಜಿಲ್ಲೆಗೆ ಆಗಮಿಸಿದ್ದಾರೆ. ಇನ್ನೂ P-1175 ವ್ಯಕ್ತಿಯು ತಮಿಳುನಾಡಿನ ಚೆನ್ನೈ ನಿಂದ ಜಿಲ್ಲೆಗೆ ಪ್ರಯಾಣ ಮಾಡಿದ್ದು ಇವರಲ್ಲಿ ಸೋಂಕು ಇರುವುದು ದೃಢಪಟ್ಟಿವೆ.‌

ಕೊಪ್ಪಳ ಗ್ರೀನ್ ಜೋನ್ ನಲ್ಲಿದೆ. ನಾವು ನೆಮ್ಮದಿಯಿಂದ ಇದ್ದೇವೆ ಎಂದು ಜನರು ಜೀವನ ಸಾಗಿಸುತ್ತಿದ್ದರು. ಜಿಲ್ಲಾಡಳಿತ ಸಹಿತ ಹಲವು ದಿಟ್ಟ ಕ್ರಮ ಕೈಗೊಂಡಿತ್ತು. ಈ ಮಧ್ಯ ಅಂತರಾಜ್ಯ ಪ್ರಯಾಣವೇ ಜಿಲ್ಲೆಗೆ ಮುಳುವಾಗಿದ್ದು ಮೂವರಲ್ಲಿ ಸೋಂಕು ದೃಢಪಟ್ಟಿದೆ.