Uppunda: ಈ ಬಾರಿ ಕೋಟೇಶ್ವರಕ್ಕಿಂತ ಮೊದಲು ಉಪ್ಪುಂದ ರಥೋತ್ಸವ

ಉಪ್ಪುಂದ: ಉಪ್ಪುಂದ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ವಾರ್ಷಿಕ ಉತ್ಸವ ನ. 11ರಿಂದ ಆರಂಭಗೊಳ್ಳಲಿದ್ದು, ನ. 16ರಂದು ಮನ್ಮಹಾರಥೋತ್ಸವ ನೆರವೇರಲಿದೆ.

ಈ ವರ್ಷಂಪ್ರತಿ ವೃಶ್ಚಿಕ ಮಾಸದ ಕೃಷ್ಣ ಪಕ್ಷದ ಪಾಡ್ಯ ಈ ಮನ್ಮಹಾ ರಥೋತ್ಸವವು ನಡೆಯಲಿದ್ದು, ಈ ಬಾರಿ ನ. 16ರಂದು
ಕೃಷ್ಣ ಪಕ್ಷದ ವೃಶ್ಚಿಕ ಸಂಕ್ರಾಂತಿ ಬಂದಿರುವುದರಿಂದ ಅದೇ ದಿನ ಮನ್ಮಹಾ ರಥೋತ್ಸವವು ನಡೆಸುವುದು ಸೂಕ್ತ ಕ್ರಮ ಎಂದು ಆ ದಿನ ಆಚರಿಸಲು ನಿಶ್ಚಯಿಸಲಾಗಿದೆ.

ಸಾಮಾನ್ಯವಾಗಿ ಕೋಟೇಶ್ವರದ ಕೋಟಿಲಿಂಗೇಶ್ವರ ದೇವಳದ ರಥೋತ್ಸವದ ಮರುದಿನ ಇಲ್ಲಿನ ರಥೋತ್ಸವ ನಡೆಯುತ್ತದೆ ಎಂಬ ಪ್ರತೀತಿಯಿದೆ, ಆದರೆ ಸುಮಾರು 35 ವರ್ಷದ ಬಳಿಕ ಈ ಬಾರಿ ಉಪ್ಪುಂದ ಶ್ರೀ ದುರ್ಗಾಪರಮೇಶ್ವರೀ ದೇಗುಲದ
ಮನ್ಮಹಾ ರಥೋತ್ಸವವು, ಕೋಟೇಶ್ವರದ ರಥೋತ್ಸವಕ್ಕಿಂತ ಮೊದಲು ನಡೆಯುತ್ತಿದೆ ಎಂದು ಹೇಳಲಾಗಿದೆ.