ಈ ರಾಶಿಯವರಿಗೆ ಎಣಿಕೆಗಿಂತ ಮಿಗಿಲಾದ ಧನಸಂಪತ್ತು ಕೈಸೇರಲಿದೆ: ಹೇಗಿದೆ ಇಂದಿನ ಗ್ರಹಬಲ ?

ಮೇಷ: ನಿಮ್ಮ ಎಲ್ಲಾ ಕೆಲಸ ಕಾರ್ಯಗಳು ನೆರವೇರಿ ಇಷ್ಟ ಸಿದ್ಧಿಯನ್ನುಂಟು ಮಾಡಲಿದೆ. ಜೊತೆಗೆ ಪಿತೃಧನ ಪ್ರಚೋದನೆಗಳು ನಿಮ್ಮನ್ನು ಹುರಿದುಂಬಿಸಲಿದೆ. ಎಣಿಕೆಗಿಂತ ಮಿಗಿಲಾದ ಧನಸಂಪತ್ತು ನಿಮ್ಮ ಕೈಸೇರಲಿದೆ.

ವೃಷಭ: ಆರೋಗ್ಯ ಸುಧಾರಣೆಗಾಗಿ ಆಸ್ಪತ್ರೆಯ ಅಲೆದಾಟ ಹಾಗೂ ಖರ್ಚು ತಂದೀತು. ಮಗಳ ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ಖರ್ಚು ತಂದೀತು. ಕಲಾಜಗತ್ತಿನವರಿಗೆ ಇದ್ದುದರಲ್ಲಿ ತೃಪ್ತಿ ಪಡುವ ಅವಕಾಶವು ಬರಲಿದೆ.

ಮಿಥುನ: ಕೃಷಿ, ತೋಟಗಾರಿಕೆ ಹಾಗೂ ಹೈನು ಮುಂತಾದ ಕ್ಷೇತ್ರಗಳಲ್ಲಿ ಇದ್ದವರಿಗೆ ಆದಾಯ ವೃದ್ಧಿ ಇರುತ್ತದೆ. ನೂತನ ವಸ್ತ್ರಾಭರಣಗಳ ಖರೀದಿಯಿಂದ ಹಿಗ್ಗು. ಆದರೆ ಗಂಡಸರ ಕೈಯಲ್ಲಿ ಕಾಸು ಖಾಲಿಯಾದೀತು. ಜೋಕೆ.

ಕರ್ಕ: ಸಾಮಾನ್ಯವಾದ ರೀತಿಯಲ್ಲಿ ಜೀವನ ನಡೆಸುವ ನಿಮಗೆ ಅತೀ ದುರಾಸೆ ಇರದು. ಹಾಗಾಗಿ ನಿಮ್ಮ ಜೀವನ ನೆಮ್ಮದಿ ಹಾಗೂ ಸಮಾಧಾನದಿಂದ ಕೂಡಿರುತ್ತದೆ. ಇದನ್ನು ಉಳಿಸಿಕೊಂಡು ಬನ್ನಿರಿ. ಆರೋಗ್ಯವು ಉತ್ತಮ.

ಸಿಂಹ: ಗಳಿಸಿದುದಕ್ಕಿಂತ ಕೊಟ್ಟು ಕಳೆದುಕೊಳ್ಳುವುದೇ ಹೆಚ್ಚು ಎಂಬಂತಾಗಿದೆ ನಿಮ್ಮ ಪರಿಸ್ಥಿತಿ. ದೇಹಪೀಡೆ, ಮಕ್ಕಳಿಂದ ಚಿಂತೆ, ಬಂಧುದ್ವೇಷಾದಿಗಳು ನಿಮ್ಮ ನೆಮ್ಮದಿಯನ್ನು ಕಲಕಲಿದೆ. ದೇವರ ಭಕ್ತಿ ಇದಕ್ಕೆ ಪರಿಹಾರ.

ಕನ್ಯಾ: ಒಳಜಗಳ, ಮುಸುಕಿನ ಗುದ್ದಾಟ ಕಂಡುಬರಬಹುದು. ನೆರೆಹೊರೆಯವರ ಹಿತ-ಶತ್ರುಗಳ ಕಾಟದಿಂದ ಮನಸ್ಸು ಉದ್ವಿಗ್ನವಾದೀತು. ಆದಾಯಕ್ಕಿಂತ ವ್ಯಯವೇ ಹೆಚ್ಚಾದೀತು. ಅಧಿಕ ಖರ್ಚು ಕಂಡುಬರಲಿದೆ.

ತುಲಾ: ಮನೆಯಲ್ಲಿ ಸ್ತ್ರೀ ಸೌಖ್ಯ, ಮಕ್ಕಳ ವಿದ್ಯಾಭ್ಯಾಸದಲ್ಲಿ ಮೆಚ್ಚಿಗೆ ಗಳಿಸಿಯಾರು. ನೂತನ ಕಟ್ಟಡ ಶಿಲಾನ್ಯಾಸಕ್ಕೆ ತಯಾರಿ ನಡೆಯಲಿದೆ. ವರ್ಗಾವಣೆ ಇರುವ ವೃತ್ತಿಯವರಿಗೆ ಪರವೂರಿಗೆ ಎತ್ತಂಗಡಿಯಾದೀತು. ಶುಭವಿದೆ.

ವೃಶ್ಚಿಕ: ವಿದ್ಯಾರ್ಥಿಗಳಿಗೆ ವಿದ್ಯಾರ್ಜನೆಯಲ್ಲಿ ಯಶಸ್ಸು ಸಿಗಲಿದೆ. ಪಿತ್ತೋಷ್ಣದಿಂದ ಆರೋಗ್ಯವು ಕೊಂಚ ಹದಗೆಟ್ಟಿàತು. ಹಗಲಿರುಳು ದುಡಿತದ ಅನುಭವ ಹಾಗೂ ಆಯಾಸವು ಕಂಡುಬಂದೀತು. ಜಾಗ್ರತೆ ಇರಲಿ.

ಧನು: ಕೊಟ್ಟ ಸಾಲ ಮರಳಿ ಬಾರದು. ಅದರಿಂದ ನಿಮಗೆ ಚಿಂತೆ ಹೆಚ್ಚಾದೀತು. ನೀವು ನಿರೀಕ್ಷಿಸಿದ ಉದ್ಯೋಗವು ದೊರಕದೆ ಬೇಸರವಾದೀತು. ಜಲವೃತ್ತಿಯವರಿಗೆ ಸಾಕಷ್ಟ ಶ್ರಮವಿದ್ದರೂ ಸೂಕ್ತ ಪ್ರತಿಫ‌ಲ ದೊರಕದು.

ಮಕರ: ಮಡದಿಯ ಮನೋಬಯಕೆಯ ಪೂರೈಕೆ ನಿಮಗೆ ಕಿರಿಕಿರಿ ತಂದೀತು. ವಾಹನ ಖರೀದಿಯ ಕೆಲಸ ನಡೆದೀತು. ಹಿರಿಯರ ಮನಸ್ಸನ್ನು ನೋಯಿಸದಿದ್ದರೆ ಉತ್ತಮ. ಮನಸ್ಸಿನಲ್ಲಿ ಶಾಂತಿ ಸಮಾಧಾನ ನೆಲೆಸಲಿದೆ.

ಕುಂಭ: ಸೋದರ ವರ್ಗದ ಆಸ್ತಿ, ಮನೆ, ಸೊತ್ತುಗಳ ವಿಚಾರವಾಗಿ ತರಲೆ ತೆಗೆದಾಗ ಅಹಿತಕಾರಿ ವಚನಗಳು ದೀರ್ಘ‌ಕಾಲ ವ್ಯಥೆಯನ್ನು ಉಂಟು ಮಾಡಲಿದೆ. ಮನೆಯಲ್ಲಿಹಿರಿಯರ ಅನಾರೋಗ್ಯವು ತಲೆಬಿಸಿ ತಂದೀತು.

ಮೀನ: ಸಣ್ಣ ಸಣ್ಣ ಪ್ರಮಾದಗಳೂ ಬೃಹತ್ತಾಗಿ ಪರಿಣಮಿಸಬಹುದು. ಎಚ್ಚರಿಕೆಯ ಹೆಜ್ಜೆಗಳನ್ನಿಡಿರಿ. ಸರಕಾರಿ ಅಧಿಕಾರಿಗಳಿಗೆ ತುಂಬಾ ಉದ್ವೇಗದ ಕೆಲಸವು ಕಂಡುಬರುವುದು. ಆರೋಗ್ಯದಲ್ಲಿ ಉತ್ತಮ ಸುಧಾರಣೆ ಇದೆ.