ಪಿಯು ಕಾಲೇಜಿನಲ್ಲಿ ಪ್ರಾಂಶುಪಾಲರಿಲ್ಲ!

ಬೆಂಗಳೂರು: ರಾಜ್ಯದ ಸರ್ಕಾರಿ ಪಿಯು ಕಾಲೇಜಿನಲ್ಲಿ 534 ಪ್ರಾಂಶುಪಾಲರ ಹುದ್ದೆ ಖಾಲಿ ಇವೆ. ರಾಜ್ಯದಲ್ಲಿರುವ ಸುಮಾರು 1400 ಪಿಯು ಕಾಲೇಜುಗಳಲ್ಲಿ 534 ಕಾಲೇಜಿನಲ್ಲಿ ಪ್ರಾಂಶುಪಾಲರಿಲ್ಲ.

ಬೆಂಗಳೂರು ಉತ್ತರ 6, ಬೆಂಗಳೂರು ದಕ್ಷಿಣ 4, ಬೆಂಗಳೂರು ಗ್ರಾಮಾಂತರ 4, ರಾಮನಗರ 11, ಬಳ್ಳಾರಿ 9, ಚಿಕ್ಕೋಡಿ 19, ಬೆಳಗಾವಿ 22, ಬಾಗಲಕೋಟೆ 28, ವಿಜಯಪುರ 23, ಬೀದರ್‌ 10, ದಾವಣಗೆರೆ 16, ಚಿತ್ರದುರ್ಗ, ಚಿಕ್ಕಮಗಳೂರಿನಲ್ಲಿ ತಲಾ 11, ಗದಗ 22, ಹಾವೇರಿ 23, ಧಾರವಾಡ 14, ಕಲಬುರಗಿ 21, ಯಾದಗಿರಿ 18, ಹಾಸನ 47, ಚಿಕ್ಕಬಳ್ಳಾಪುರ 3,

ಕೋಲಾರ 16, ಚಾಮರಾಜನಗರ 9, ಮೈಸೂರು 20, ಮಂಡ್ಯ 30, ಉ. ಕನ್ನಡ 24, ಕೊಪ್ಪಳ 15, ರಾಯಚೂರು 32, ದ. ಕನ್ನಡ 20, ಉಡುಪಿ 11, ಶಿವಮೊಗ್ಗದಲ್ಲಿ 10, ತುಮಕೂರಿನಲ್ಲಿ 18 ಹಾಗೂ ಕೊಡಗಿನ 7 ಕಾಲೇಜು ಸೇರಿದಂತೆ ರಾಜ್ಯದ 534 ಕಾಲೇಜುಗಳಲ್ಲಿ ಪ್ರಾಂಶುಪಾಲರೇ ಇಲ್ಲ ಎಂದು ಇಲಾಖೆ ಮೂಲಗಳು ತಿಳಿಸಿವೆ.