ಭಾರತ-ದಕ್ಷಿಣ ಆಫ್ರಿಕಾ ಕ್ರಿಕೆಟ್‌ ಸರಣಿಗೆ ಪ್ರೇಕ್ಷಕರಿಲ್ಲ

ಸೆಂಚುರಿಯನ್‌: ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಟೆಸ್ಟ್‌ ಮತ್ತು ಏಕದಿನ ಸರಣಿಯ ಪಂದ್ಯಗಳಿಗೆ ಪ್ರೇಕ್ಷಕರಿಗೆ ಪ್ರವೇಶವಿಲ್ಲ ಎಂದು ಕ್ರಿಕೆಟ್‌ ಸೌತ್‌ ಆಫ್ರಿಕಾ ತಿಳಿಸಿದೆ. ಕಾರಣ, ಒಮಿಕ್ರಾನ್‌ ಭೀತಿ.

“ಕ್ರಿಕೆಟ್‌ ಸೌತ್‌ ಆಫ್ರಿಕಾ’ ಈ ಕುರಿತು ಹೇಳಿಕೆಯೊಂದನ್ನು ನೀಡಿದೆ. ಬಿಸಿಸಿಐ ಜತೆ ಚರ್ಚಿಸಿಯೇ ಈ ನಿರ್ಧಾರಕ್ಕೆ ಬರಲಾಗಿದೆ ಎಂದಿದೆ.

ಆದರೆ ಸರಣಿ ಆರಂಭಕ್ಕಿನ್ನೂ 6 ದಿನಗಳಿವೆ. ಸರಕಾರದ ಮಾರ್ಗಸೂಚಿ ಯಲ್ಲಿ ಬದಲಾವಣೆ ಸಂಭವಿಸಿದರೆ ಆಗ ಅಲ್ಪ ಪ್ರಮಾಣದಲ್ಲಿ ವೀಕ್ಷಕರಿಗೆ ಬಾಗಿಲು ತೆರೆಯಲೂಬಹುದು ಎಂದೂ ವರದಿಯಾಗಿದೆ.

ಹಾಗೆಯೇ ಕ್ರಿಕೆಟ್‌ ಸೌತ್‌ ಆಫ್ರಿಕಾ ಟಿಕೆಟ್‌ ಮಾರಾಟವನ್ನು ಆರಂಭಿಸುವ ಯಾವುದೇ ಸೂಚನೆ ನೀಡಿಲ್ಲ.

ಮಂಡಳಿಯ ಅಧಿಕಾರಿಗಳು, ಸ್ಥಳೀಯ ಕ್ರಿಕೆಟ್‌ ಸಂಸ್ಥೆಯ ಮುಖ್ಯ ಸ್ಥರು, ಪಾಸ್‌ ಹೊಂದಿರುವ ಕೆಲವು ಗಣ್ಯರಿಗಷ್ಟೇ ಪ್ರವೇಶ ಲಭಿಸುವ ಸಾಧ್ಯತೆ ಇದೆ.

ಇದನ್ನೂ ಓದಿ:ಹೆಚ್ಚುತ್ತಿರುವ ಸೋಂಕಿನ ಪ್ರಕರಣ : ಎಲ್ಲ ಹೊರರೋಗಿಗಳಿಗೆ ಕೋವಿಡ್‌ ಪರೀಕ್ಷೆ ಕಡ್ಡಾಯ : BBMP

ಆತಂಕವಿಲ್ಲ..
ಒಮಿಕ್ರಾನ್‌ ವೈರಸ್‌ ದಕ್ಷಿಣ ಆಫ್ರಿಕಾದಲ್ಲೇ ಮೊದಲು ಕಾಣಿಸಿ ಕೊಂಡ ಕಾರಣ ಅಲ್ಲಿನ ಸರಕಾರ ತೀವ್ರ ಕಟ್ಟೆಚ್ಚರ ವಹಿಸಿದೆ. ದಕ್ಷಿಣ ಆಫ್ರಿಕಾ ಈಗಾಗಲೇ ಕೆಲವು ದೇಶಿ ಕ್ರಿಕೆಟ್‌ ಪಂದ್ಯಾವಳಿಗಳನ್ನು ರದ್ದುಗೊಳಿಸಿದೆ. ಆದರೆ ಭಾರತ ಸರಣಿಗೆ ಆತಂಕವಿಲ್ಲ ಎಂದಿದೆ.