ಕಾಂಗ್ರೆಸ್‌ನಲ್ಲಿ ಸಿದ್ದರಾಮಯ್ಯ ನಾಯಕತ್ವದ ಬಿ-ಟೀಂ ಇದೆ

ಮೈಸೂರು: ಎಐಸಿಸಿ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರಿಂದ ಜೆಡಿಎಸ್‌, ಬಿಜೆಪಿಯ ಬಿ-ಟೀಂ ಎಂದು ಸಿದ್ದರಾಮಯ್ಯ ಹೇಳಿಸಿದ್ದಾರೆ. ಆದರೆ, ರಾಜ್ಯ ಕಾಂಗ್ರೆಸ್‌ನಲ್ಲೇ ಸಿದ್ದರಾಮಯ್ಯ ನಾಯಕತ್ವದ ಜೆಡಿಎಸ್‌ನ ಬಿ-ಟೀಂ ಇದೆ, ಕಾಂಗ್ರೆಸ್‌ ವರ್ಸಸ್‌ ಸಿದ್ದರಾಮಯ್ಯ ಆಗಿದೆ ಎಂದು ಜೆಡಿಎಸ್‌ ಪ್ರಚಾರ ಸಮಿತಿ ಅಧ್ಯಕ್ಷರಾದ ಮಾಜಿ ಸಂಸದ ಎಚ್‌.ವಿಶ್ವನಾಥ್‌ ತಿರುಗೇಟು ನೀಡಿದರು.

ನಗರದಲ್ಲಿ ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸಿದ್ದರಾಮಯ್ಯ ಟೀಂನಲ್ಲಿರುವವರೆಲ್ಲಾ ಆಟ ಆಡುವ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ. ಆದರೆ, ಕಾಂಗ್ರೆಸ್‌ನ ಪ್ರಮುಖ ಆಟಗಾರರಾದ ಮಲ್ಲಿಕಾರ್ಜುನ ಖರ್ಗೆ, ಪರಮೇಶ್ವರ್‌ ಅಂತಹ ಅನೇಕರು ಅವಕಾಶಕ್ಕಾಗಿ ಕಾದು ಕುಳಿತಿದ್ದಾರೆ.

ಮ್ಯಾಚ್‌ಫಿಕ್ಸಿಂಗ್‌ನಲ್ಲಿ ಹಣ ಪಡೆದು ಕಾಂಗ್ರೆಸ್‌ ಅಭ್ಯರ್ಥಿಗೆ ಮತ ಹಾಕಿ, ಇದೀಗ ಜೆಡಿಎಸ್‌ ತೊರೆದು  ಕಾಂಗ್ರೆಸ್‌ ಸೇರಿದ ಏಳು ಜನ ಶಾಸಕರೂ ಎಕ್ಸಟ್ರಾ ಪ್ಲೇಯರ್ ಆಗಿದ್ದಾರೆ. ಬೌಂಡರಿಯಿಂದ ಹೊರಗೆ ಬಿದ್ದ ಬಾಲು ತರುವುದು, ಆಟಗಾರರಿಗೆ ನೀರು, ಜ್ಯೂಸ್‌ ತಂದು ಕೊಡುವುದು, ಬೆವರು ಒರೆಸಲು ಟವಲ್‌ ತಂದುಕೊಡುವುದು ಇವರ ಕೆಲಸವಾಗಿದೆ ಎಂದು ಲೇವಡಿ ಮಾಡಿದರು.

ರಾಹುಲ್‌ ಅಪ್ರಬುದ್ಧ ನಾಯಕ: ಮೈಸೂರು ಭಾಗದಲ್ಲಿ ಎರಡು ದಿನಗಳ ಕಾಲ ಜನಾಶೀರ್ವಾದ ಯಾತ್ರೆ ನಡೆಸಿದ ರಾಹುಲ್‌ ಗಾಂಧಿ, ಒಂದು ದೊಡ್ಡ ಪಕ್ಷದ ಅಧ್ಯಕ್ಷರಾಗಿ, ಲೋಕಸಭಾ ಸದಸ್ಯರಾಗಿದ್ದರೂ ಆಡಳಿತದ ಅನುಭವ, ಗಾಂಭೀರ್ಯತೆ ಇಲ್ಲ. ಅವರೊಬ್ಬ ಅಪ್ರಬುದ್ಧ ನಾಯಕ ಎಂದು ಟೀಕಿಸಿದರು. ಭಾರತದಂತಹ ದೊಡ್ಡ ರಾಷ್ಟ್ರದ ಭಾವಿ ಪ್ರಧಾನಿ ಎಂದು ಬಿಂಬಿಸಿಕೊಂಡಿರುವವರಿಗೆ ಎನ್‌ಸಿಸಿ ಎಂದರೇನೆಂದು ಗೊತ್ತಿಲ್ಲ. ಸಾಮಾನ್ಯ ಜಾnನವೇ ಇಲ್ಲದವರನ್ನು ರಾಷ್ಟ್ರದ ನಾಯಕ ಎಂದು ಯಾರು ಒಪ್ಪಿ$ಕೊಳ್ಳುತ್ತಾರೆ ಎಂದು ಟೀಕಿಸಿದರು.

ರಾಜ್ಯದ ನಾಯಕರ ಮರೆತ ರಾಗಾ: ಯಾರೋ ಬರೆದುಕೊಟ್ಟದ್ದನ್ನು ಓದುವ ರಾಹುಲ್‌ ಗಾಂಧಿ, ಹಿರಿಯ ನಾಯಕ ಎಚ್‌.ಡಿ.ದೇವೇಗೌಡರ ಬಗ್ಗೆ ಮಾತನಾಡುತ್ತೀರಾ? ರಾಜಕೀಯ ಸಂಸ್ಕೃತಿ ಗೊತ್ತಿಲ್ಲದ ಬಗ್ಗೆ ನಿಮ್ಮ ಮಾತುಗಳೇ ಹೇಳುತ್ತವೆ. ಡಿ.ದೇವರಾಜ ಅರಸು, ಸಾಹುಕಾರ್‌ ಚೆನ್ನಯ್ಯ, ಅಜೀಜ್‌ ಸೇs…, ಎನ್‌.ರಾಚಯ್ಯ, ಎಚ್‌.ಎಂ.ಚನ್ನಬಸಪ್ಪ, ಕೆ.ಎಸ್‌.ನಾಗರತ್ನಮ್ಮ ಅವರಂತಹ ಘಟಾನುಘಟಿ ನಾಯಕರನ್ನು ಕೊಟ್ಟ ಜಿಲ್ಲೆ ಅವಿಭಜಿತ ಮೈಸೂರು. ಅಂತಹ ಜಿಲ್ಲೆಗೆ ಬಂದು ಏನು ಮಾತನಾಡಬೇಕು ಅನ್ನುವುದು ಗೊತ್ತಿಲ್ಲ ನಿಮಗೆ.

ಚಿಕ್ಕ ಮಗಳೂರು ಜಿಲ್ಲೆಯಲ್ಲಿ ನಮ್ಮ ಅಜ್ಜಿ (ಇಂದಿರಾಗಾಂಧಿ)ಗೆ ರಾಜಕೀಯ ಪುನರ್ಜನ್ಮ ನೀಡಿದ ಜಿಲ್ಲೆ ಎಂದು ಹೇಳಿದ್ದೀರಾ, ಅಂದು ಮೊರಾರ್ಜಿ ದೇಸಾಯಿ ಅವರು ಕಾಂಗ್ರೆಸ್‌ ಸದಸ್ಯತ್ವದಿಂದ ವಜಾ ಮಾಡಿದ ಮೇಲೆ ದಿಕ್ಕುಗಾಣದಂತಾಗಿದ್ದ ಇಂದಿರಾಗಾಂಧಿ ಅವರನ್ನು ಚಿಕ್ಕಮಗಳೂರು ಜಿಲ್ಲೆಗೆ ಕರೆತಂದು ಲೋಕಸಭಾಸದಸ್ಯರನ್ನಾಗಿಸಿ ಘನತೆ, ಗೌರವ ತಂದುಕೊಟ್ಟವರು ಡಿ.ದೇವರಾಜಅರಸು, ಅದಕ್ಕೆ ನೆರವಾದವರು ಡಿ.ಬಿ.ಚಂದ್ರೇಗೌಡರು. ಅಂತಹವರು ಮರೆತು ಹೋದರಾ ನಿಮಗೆ ? ಅಥವಾ ನಿಮಗೆ ಬರೆದು ಕೊಟ್ಟವರು ಈ ಅಂಶಗಳನ್ನು ಸೇರಿಸಿರಲಿಲ್ಲವೇ ಎಂದು ಟೀಕಿಸಿದರು.

3500ರೈತರ ಆತ್ಮಹತ್ಯೆ, ಧರ್ಮದ ಹೆಸರಿನಲ್ಲಿ ಯುವಕರ ಮಾರಣಹೋಮ ಸೇರಿದಂತೆ ಅನೇಕ ಘಟನೆ ನಡೆದಿದೆ. ಮಲ್ಲಿಕಾರ್ಜುನಖರ್ಗೆ, ಡಾ.ಜಿ.ಪರಮೇಶ್ವರ್‌, ವಿ.ಶ್ರೀನಿವಾಸಪ್ರಸಾದ್‌ ಸೇರಿದಂತೆ ಅನೇಕರಿಗೆ ಸಿದ್ದರಾಮಯ್ಯ ಅಸೂಯೆಪಟ್ಟರು. ಇನ್ನು ಸಿದ್ದರಾಮಯ್ಯಗೆ ಬಹುವಚನವೇ ಗೊತ್ತಿಲ್ಲ. 1300 ಕೋಟಿ ಜಾಹಿರಾತುಕೊಟ್ಟು ತಮ್ಮನ್ನು ತಾವು ಬಿಂಬಿಸಿಕೊಂಡಿದ್ದಾರೆ. ಹಾಗಾಗಿ, ಸಿದ್ದರಾಮಯ್ಯ ಅವರಿಗೆ ಅಂತರಂಗ-ಬಹಿರಂಗ ಎರಡೂ ಶುದ್ಧಿಯಾಗಿಲ್ಲ ಎಂದು ಟೀಕಿಸಿದರು.

ಸಿದ್ದರಾಮಯ್ಯ ಅವರಿಗೆ ಹಣ ಬಲ, ಭುಜ ಬಲ ಎರಡೂ ಇದೆ. ಹುಣಸೂರು ಕ್ಷೇತ್ರದಲ್ಲಿ ನಮ್ಮ ಸಮಾಜದವರನ್ನು ಕರೆಸಿ ಮಾತನಾಡುತ್ತಿದ್ದಾರೆ. ದುಡ್ಡಿಲ್ಲದೆ ಚುನಾವಣೆ ಆಗಲ್ಲ. ಆದರೆ, ದುಡ್ಡೇ ಎಲ್ಲವೂ ಅಲ್ಲ. ಆಗಿದ್ದರೆ, ಮಾರ್ವಾಡಿಗಳೆಲ್ಲ ಶಾಸಕರಾಗಿರುತ್ತಿದ್ದರು, ನೋಡೋಣ ಜನ ಇದ್ದಾರೆ.
-ಎಚ್‌.ವಿಶ್ವನಾಥ್‌, ಮಾಜಿ ಸಂಸದ