ತೆಕ್ಕಟ್ಟೆ: ಏಕಕಾಲದಲ್ಲಿ 5 ವಿದ್ಯುತ್‌ ಕಂಬ ಧರಾಶಾಯಿ

ತೆಕ್ಕಟ್ಟೆ: ಇಲ್ಲಿನ ತೆಕ್ಕಟ್ಟೆ ಗ್ರಾಮ ಪಂಚಾಯತ್‌ ವ್ಯಾಪ್ತಿಯ ಮಾಲಾಡಿಯಲ್ಲಿ ಫೆ. 8ರ ಅಪರಾಹ್ನ ಒಣಗಿದ ಬೃಹತ್‌ ಮರದ ಕೊಂಬೆ ವಿದ್ಯುತ್‌ ವಾಹಕದ ಮೇಲೆ ಬಿದ್ದು, ಜನವಸತಿ ಪ್ರದೇಶದ ನಡುವೆ ಹಾದು ಹೋಗಿರುವ ಟ್ರಾನ್ಸ್‌ಫಾರ್ಮರ್‌ ಸಹಿತ ಒಟ್ಟು 5 ವಿದ್ಯುತ್‌ ಕಂಬಗಳು ಧರಾಶಾಯಿಯಾಗಿದೆ. ಭಾರೀ ಅನಾಹುತ ತಪ್ಪಿದೆ. ತತ್‌ಕ್ಷಣವೇ ಸ್ಥಳೀಯ ಗ್ರಾ.ಪಂ. ಸದಸ್ಯ ಸುರೇಶ್‌ ಶೆಟ್ಟಿ, ಶರತ್‌ ಶೆಟ್ಟಿ ಅವರು ಮೆಸ್ಕಾಂ ಅಧಿಕಾರಿಗಳ ಗಮನಕ್ಕೆ ತಂದರು. ಘಟನ ಸ್ಥಳಕ್ಕೆ ಗೋಪಾಡಿ ಮೆಸ್ಕಾಂ ಶಾಖಾಧಿಕಾರಿ ಸುನಿಲ್‌ ಆರ್‌., ಸಿಬಂದಿ ಕಂಬಗಳನ್ನು ತೆರವುಗೊಳಿಸಿದರು.