ಉಗ್ರಾಣದಿಂದ ಒಣ ಅಡಿಕೆ ಮತ್ತು ಹುಲ್ಲು ತೆಗೆಯುವ ಮೆಷಿನ್‌ ಕಳವು : ದೂರು ದಾಖಲು

ಪುತ್ತೂರು: ಅಮ್ಚಿನಡ್ಕದಲ್ಲಿ ಮನೆಯಂಗಳದ ಉಗ್ರಾಣದಿಂದ ಒಣ ಅಡಿಕೆ ಮತ್ತು ಹುಲ್ಲು ತೆಗೆಯುವ ಮೆಷಿನ್‌ ಕಳವಾಗಿರುವ ಕುರಿತು ಸಂಪ್ಯ ಪೊಲೀಸರಿಗೆ ದೂರು ನೀಡಲಾಗಿದೆ.

ಮಾಡ್ನೂರು ಗ್ರಾಮದ ಅಮ್ಚಿನಡ್ಕ ಭಾರವಿಯ ವಿಷ್ಣು ಕಲ್ಲುರಾಯ ಪಿ.ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಜು.19ರಂದು ಪುತ್ತೂರಿನ ಮಗನ ಮನೆಗೆ ಹೋಗಿ ಮರಳಿ ಆ.3ರಂದು ಬಂದಾಗ ಮನೆಯ ಅಂಗಳದ ಉಗ್ರಾಣದಲ್ಲಿದ್ದ, 10 ಪ್ಲಾಸ್ಟಿಕ್‌ ಗೋಣಿ ಚೀಲದಲ್ಲಿ ಇರಿಸಿದ್ದ 2 ಕ್ವಿಂಟಾಲ್‌ ಒಣ ಅಡಿಕೆ ಮತ್ತು ಹುಲ್ಲು ತೆಗೆಯುವ ಮೆಷಿನ್‌ ಕಾಣೆಯಾಗಿದೆ.

ಕಳವಾದ ಅಡಿಕೆಯ ಅಂದಾಜು ಮೌಲ್ಯ 70 ರೂ. ಹಾಗೂ ಹುಲ್ಲು ತೆಗೆಯುವ ಮೆಷಿನಿನ ಅಂದಾಜು ಮೌಲ್ಯ 5000 ರೂ.ಆಗಿದೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.