Reels star; ಮುಂಬಯಿಯಿಂದ ಬಂದು ಕಳ್ಳತನ: ರೀಲ್ಸ್‌ ಸ್ಟಾರ್‌ ಸೇರಿ ಇಬ್ಬರ ಸೆರೆ‌

ಬೆಂಗಳೂರು: ಮನೆ ಕಳವು ಮಾಡುತ್ತಿದ್ದ ರೀಲ್ಸ್‌ ಸ್ಟಾರ್‌ ಸೇರಿ ಇಬ್ಬರು ಅಮೃತಹಳ್ಳಿ ಪೊಲೀಸರ ಬಲೆಗೆ ಬಿದ್ದಿದ್ದಾರೆ.

ಮಹಾರಾಷ್ಟ್ರದ ಮುಂಬಯಿ ನಿವಾಸಿ ಸಲೀಂ ರಫೀಕ್‌ ಶೇಖ್‌ ಅಲಿಯಾಸ್‌ ಶಾಹಿಲ್‌ ಅಲಿಯಾಸ್‌ ಬಾಂಬೆ ಸಲೀಂ (46) ಮತ್ತು ಸಹಚರ ಯಾಸೀನ್‌ ಮಖುºಲ್‌ ಖಾನ್‌ ಅಲಿಯಾಸ್‌ ಅಸ್ಲಾಂ ಉರ್ಪ್‌ ಪಾಂಡೆ (42) ಬಂಧಿತರು.

ಆರೋಪಿಗಳಿಂದ 67 ಲಕ್ಷ ರೂ. ಮೌಲ್ಯದ 1 ಕೆ.ಜಿ. ಚಿನ್ನಾಭರಣ, 6.5 ಕೆ.ಜಿ. ಬೆಳ್ಳಿಯ ವಸ್ತುಗಳು, 3 ದ್ವಿಚಕ್ರ ವಾಹನ ಇತ್ಯಾದಿ ವಶಕ್ಕೆ ಪಡೆಯಲಾಗಿದೆ.

ಇಬ್ಬರಿಗೂ ಇಬ್ಬಿಬ್ಬರು ಪತ್ನಿಯರಿದ್ದು ಶೋಕಿ ಜೀವನಕ್ಕಾಗಿ ಕಳವು ನಡೆಸು ತ್ತಿದ್ದರು ಎನ್ನಲಾಗಿದೆ.