ಲಾಕ್‌ಡೌನ್‌ ಬಳಿಕ ಥಿಯೇಟರ್‌ “ಹೌಸ್‌ ಫುಲ್‌’!

ಮಂಗಳೂರು: ಕೋವಿಡ್ ಲಾಕ್‌ಡೌನ್‌ನಿಂದಾಗಿ ಬಾಗಿಲು ಹಾಕಿದ್ದ ಸಿನೆಮಾ ಥಿಯೇಟರ್‌ಗಳು ಇತ್ತೀಚೆಗೆ ಆರಂಭವಾಗಿದ್ದರೂ ಸಿನೆಮಾ ವೀಕ್ಷಣೆಗೆ ಜನ ಹಿಂದೇಟು ಹಾಕುತ್ತಿದ್ದರು. ಆದರೆ ಬುಧವಾರ ಬಿಡುಗಡೆಯಾದ ವಿಜಯ್‌ ಅಭಿನಯದ “ಮಾಸ್ಟರ್‌’ ಸಿನೆಮಾ ಮಂಗಳೂರಿನ ಥಿಯೇಟರ್‌ಗಳು “ಹೌಸ್‌ಫುಲ್‌’ ಪ್ರದರ್ಶನ ನೀಡುವ ಮೂಲಕ ಸಿನೆಮಾ ಕ್ಷೇತ್ರದಲ್ಲಿ ಹೊಸ ಸಂಚಲನ ಸೃಷ್ಟಿಸಿತು.

ಸುಚಿತ್ರಾ ಥಿಯೇಟರ್‌ನಲ್ಲಿ ಮುಂಜಾನೆ 6.30ಕ್ಕೆ ಪ್ರದರ್ಶನವಿದ್ದು, ಸಂಜೆಯವರೆಗೆ ಒಟ್ಟು 5 ಪ್ರದರ್ಶನ ಕಂಡಿದೆ. ಸಿನೆಪೊಲಿಸ್‌ನಲ್ಲಿ 4, ಬಿಗ್‌ ಸಿನೆಮಾಸ್‌ನಲ್ಲಿ 3 ಹಾಗೂ ಪಿವಿಆರ್‌ನಲ್ಲಿ 4 ಪ್ರದರ್ಶನಗಳು ಹೌಸ್‌ಫುಲ್‌ ಆಗಿವೆ. ಲಾಕ್‌ಡೌನ್‌ ಬಳಿಕ ಬಿಡುಗಡೆಯಾದ ಸಿನೆಮಾ ವೊಂದು ಹೌಸ್‌ಫುಲ್‌ ಪ್ರದರ್ಶನ ಕಂಡಿರುವುದು ಇದೇ ಮೊದಲು.