ವೈದ್ಯರಿಗೆ ಆದೇಶಕಿಂತ ವೈರಸ್‌ ಆತಂಕವೇ ಹೆಚ್ಚು

ನೆಲಮಂಗಲ: ಖಾಸಗಿ ಆಸ್ಪತ್ರೆ ಹಾಗೂ ಕ್ಲಿನಿಕ್‌ಗಳನ್ನು ತೆರೆದು ರೋಗಿಗಳಿಗೆ ಚಿಕಿತ್ಸೆ ನೀಡಬೇಕು. ಇಲ್ಲದಿದ್ದರೆ ಪರವಾನಗಿ ರದ್ದುಗೊಳಿಸಲಾಗುವುದು ಎಂದು ಆದೇಶ ಹೊರಡಿಸಿದ್ದರೂ, ಆಸ್ಪತ್ರೆ ಹಾಗೂ ಕ್ಲಿನಿಕ್‌ಗಳು ಬಾಗಿಲು ಮುಚ್ಚಿದ್ದು ರೋಗಿಗಳು ಪರದಾಡುವಂತಾಗಿದೆ. ಜತೆಗೆ ವೈದ್ಯರೂ ಕೂಡ ಕೋವಿಡ್ -19 ಸೋಂಕು ತಗುಲುವ ಆತಂಕ ವ್ಯಕ್ತಪಡಿಸಿದ್ದಾರೆ.

ಜಿಲ್ಲೆಯಲ್ಲಿ 5 ಕೋವಿಡ್ -19 ಪ್ರಕರಣಗಳಿವೆ. 728 ಜನ ಕ್ವಾರಂಟೈನ್‌ನಲ್ಲಿ ನಿಗಾವಹಿಸಲಾಗಿದೆ. ಕೆಮ್ಮು, ನೆಗಡಿ, ಜ್ವರ ಕಂಡರೆ ಸ್ಥಳೀಯ ಸರಕಾರಿ ಆಸ್ಪತ್ರೆಗೆ ಭೇಟಿ ನೀಡಿ, ಎಲ್ಲಾ ಖಾಸಗಿ ಆಸ್ಪತ್ರೆ, ಕ್ಲಿನಿಕ್‌ಗಳು ಕಾರ್ಯ ನಿರ್ವಹಿಸುವಂತೆ ಸರಕಾರ ಸೂಚಿಸಿದೆ. ಆದರೂ ಬಹುತೇಕ ಕ್ಲಿನಿಕ್‌ಗಳು ಬಾಗಿಲು ಮುಚ್ಚಿವೆ.

ವೈದ್ಯರಿಲ್ಲ: ಜಿಲ್ಲೆಯ 200ಕ್ಕೂ ಹೆಚ್ಚು ಕ್ಲಿನಿಕ್‌ಗಳಲ್ಲಿ ಶೇ.80ರಷ್ಟು ವೈದ್ಯರಿಲ್ಲ ಎಂಬ ನೆಪದಿಂದ ಬಾಗಿಲು ಮುಚ್ಚಿವೆ.

ಚಿಕಿತ್ಸೆ ನೀಡದ ಆರೋಪ: ತಾಲೂಕು ಸರಕಾರಿ ಆಸ್ಪತ್ರೆಗೆ ಕೋಡಿಪಾಳ್ಯದ ರೋಗಿಯೊಬ್ಬರು, ನಾನು ದೆಹಲಿಯಿಂದ ಬಂದಿದ್ದೇನೆ. ಜ್ವರ ಬಂದಿದೆ ಚಿಕಿತ್ಸೆನೀಡುವಂತೆ ಮನವಿ ಮಾಡಿದರೂ ಪರೀಕ್ಷೆ ಮಾಡದೆ ಮಾತ್ರೆ ನೀಡಿ ಕಳುಹಿಸಿದ ನಂತರ ಎರಡು ತಾಲೂಕಿನಲ್ಲಿ ಓಡಾಡಿದ ಆ ವ್ಯಕ್ತಿಯಲ್ಲಿ
ಕೋವಿಡ್ -19 ಪಾಸಿಟಿವ್‌ ಬಂದಿದೆ.

ಚಿಕಿತ್ಸೆ ನೀಡದ ವೈದ್ಯರ ಪರವಾನಗಿ ರದ್ದು
ಖಾಸಗಿ ವೈದ್ಯಕೀಯ ಸೇವೆ ಆರಂಭಿಸದಿದ್ದರೆ ಕಠಿಣ ಕಾನೂನು ಕ್ರಮ ಜರುಗಿಸಲಾಗುವುದು. ಮುಚ್ಚಿರುವ ಸ್ಕ್ಯಾನಿಂಗ್‌ ಲ್ಯಾಬೋರೇಟರಿಗಳ ವಿರುದ್ಧ ಪಿಸಿಪಿಎನ್‌ಡಿಟಿ ಕಾಯ್ದೆಯಡಿ ಪರವಾನಗಿ ರದ್ದುಗೊಳಿಸಲಾಗುವುದು. ರದ್ದು ಮಾಡಿದ ಪರವಾನಗಿ ಆದೇಶ ಹಿಂಪಡೆಯುವುದಿಲ್ಲ ಎಂದು ಜಿಲ್ಲಾಧಿಕಾರಿ ಪಿ.ಎನ್‌.ರವೀಂದ್ರ ಎಚ್ಚರಿಸಿದ್ದಾರೆ.

ಪಿಪಿಇ ಕಿಟ್‌ಗೆ ಖಾಸಗಿ ವೈದ್ಯರ ಮನವಿ
ಕ್ಲಿನಿಕ್‌ಗಳಲ್ಲಿ ರೋಗಿಗಳು ಮುಂಜಾಗ್ರತೆಯಿಲ್ಲದೆ ಬರುವುದರಿಂದ ಕೋವಿಡ್ -19 ಸೋಂಕು ತಗುಲು ಆತಂಕವಿದೆ. ಹೀಗಾಗಿ ನಮಗೆ ಪಿಪಿಇ ಕಿಟ್‌ ಹಾಗೂ ಸುರಕ್ಷತೆ ಸೌಲಭ್ಯ ನೀಡಿದರೆ ಸೇವೆ ಮಾಡುತ್ತೇವೆ ಎಂದು ಕೆಲ ಖಾಸಗಿ ಚಿಕಿತ್ಸೆ ನೀಡದ ವೈದ್ಯರ ಪರವಾನಗಿ ರದು ಕ್ಲಿನಿಕ್‌ ವೈದ್ಯರು ಮನವಿ ಮಾಡಿದ್ದಾರೆ.

ಕ್ಲಿನಿಕ್‌ಗಳಲ್ಲಿ ರೋಗಿಗಳು ಮುಂಜಾಗ್ರತೆಯಿಲ್ಲದೆ ಬರುವುದರಿಂದ ಕೋವಿಡ್ -19 ಸೋಂಕು ತಗುಲು ಆತಂಕವಿದೆ. ಹೀಗಾಗಿ ನಮಗೆ ಪಿಪಿಇ ಕಿಟ್‌ ಹಾಗೂ ಸುರಕ್ಷತೆ ಸೌಲಭ್ಯ ನೀಡಿದರೆ ಸೇವೆ ಮಾಡುತ್ತೇವೆ ಎಂದು ಕೆಲ ಖಾಸಗಿ ಚಿಕಿತ್ಸೆ ನೀಡದ ವೈದ್ಯರ ಪರವಾನಗಿ ರದು ಕ್ಲಿನಿಕ್‌ ವೈದ್ಯರು ಮನವಿ ಮಾಡಿದ್ದಾರೆ

●ಕೊಟ್ರೇಶ್‌.ಆರ್‌