ಚಿತ್ರ ನ.17ರಂದು ತೆರೆಗೆ ‘ದಿ ವೆಕೆಂಟ್‌ ಹೌಸ್‌’

ನಟಿ ಎಸ್ತಾರ್‌ ನರೋನ್ಹಾ ನಿರ್ದೇಶನದ “ದಿ ವೆಕೆಂಟ್‌ ಹೌಸ್‌’ ಚಿತ್ರ ನ.17ರಂದು ತೆರೆಕಾಣುತ್ತಿದೆ. ಈ ಚಿತ್ರದ ಬಗ್ಗೆ ಮಾತನಾಡುವ ಎಸ್ತಾರ್‌, “ಇದು ಹಾರರ್‌ ಸಿನಿಮಾವಲ್ಲ. ಇದೊಂದು ಖಾಲಿ ಮನೆ ಸುತ್ತ ಸಾಗುವ ಕಥೆ. ಈಗಿನ ಯೂತ್‌ಗೆ ಬಹಳ ಕನೆಕ್ಟ್ ಆಗುವ ಸಿನಿಮಾವಿದು. ಪ್ರೀತಿ ಮತ್ತು ಎಮೋಷನ್‌ ಎರಡನ್ನು ಸೇರಿ ಹೆಣೆದ ಕಥೆ. ನಿರ್ದೇಶನ ಮಾಡಿದ್ದು ಖುಷಿ ಅನಿಸಿತು. ಇದು ನೈಜ ಘಟನೆಯಾಧಾರಿತ ಚಿತ್ರವಲ್ಲ. ಸಿನಿಮಾ 1.40 ನಿಮಿಷವಿದೆ. ಎಲ್ಲಿಯೂ ಬೋರ್‌ ಆಗಲ್ಲ’ ಎಂದರು.

ಚಿತ್ರ ಕನ್ನಡ ಹಾಗೂ ಕೊಂಕಣಿ ಭಾಷೆಯಲ್ಲಿ ಮೂಡಿಬಂದಿರುವ ಚಿತ್ರಕ್ಕೆ ನರೇಂದ್ರ ಗೌಡ ಛಾಯಾಗ್ರಹಣವಿದ್ದು, ವಿಜಯ್‌ ರಾಜ್‌ ಸಂಕಲನವಿದೆ. ತಮ್ಮದೇ ಜಾನೆಟ್‌ ನೊರೊನ್ಹಾ ಪ್ರೊಡಕ್ಷನ್ಸ್‌ನಡಿ ಈ ಚಿತ್ರವನ್ನು ಎಸ್ತಾರ್‌ ನಿರ್ಮಿಸಿದ್ದಾರೆ