Sikkim ಪ್ರವಾಸಿ ವಾಹನಗಳಲ್ಲಿ ಕಸದ ಚೀಲ ಬಳಕೆ ಕಡ್ಡಾಯ

ಗ್ಯಾಂಗ್ಟಕ್‌: ಸಿಕ್ಕಿಂ ರಾಜ್ಯ ಪ್ರವೇಶಿಸುವ ಎಲ್ಲ ಟೂರಿಸ್ಟ್‌ ವಾಹನಗಳು ಇನ್ನು ಮುಂದೆ ಕಸ ವಿಲೇವಾರಿಗಾಗಿ ಕಡ್ಡಾಯವಾಗಿ ದೊಡ್ಡದೊಂದು ಖಾಲಿ ಚೀಲ ತರಬೇಕು ಎಂದು ಪ್ರವಾಸೋದ್ಯಮ ಇಲಾಖೆ ಆದೇಶಿಸಿದೆ. ಪರಿಸರದ ಸ್ವತ್ಛತೆ ಕಾಪಾಡುವ ದೃಷ್ಟಿಯಿಂದ ಈ ನಿರ್ಧಾರ ಕೈಗೊಳ್ಳಲಾ ಗಿದ್ದು, ಟೂರ್‌ ಗೈಡ್‌ಗಳು, ಟೂರ್‌ ಏಜೆನ್ಸಿ ಹಾಗೂ ವಾಹನ ಚಾಲಕರು ಈ ಕುರಿತು ಪ್ರವಾಸಿಗಳಿಗೆ ಅರಿವು ಮೂಡಿಸಬೇಕು. ಈ ನಿಯಮ ಪಾಲನೆಯಾಗುತ್ತಿರುವ ಬಗ್ಗೆ ಪೊಲೀಸ್‌ ತಪಾಸಣೆಯ ಮೂಲಕ ಖಚಿತಪಡಿಸಿ ಕೊಳ್ಳಲಾಗುವುದು, ಯಾವುದೇ ವಾಹನ ನಿಯಮ ಮೀರಿದಲ್ಲಿ ದಂಡ ವಿಧಿಸಲಾಗುವುದು ಎಂದು ತಿಳಿಸಿದೆ.