Kalaburagi ಮದ್ಯ ಸೇವಿಸಲು ಹಣ ನೀಡದಿದ್ದಕ್ಕೆ ತಾಯಿಯನ್ನೆ ಕೊಂದ ಮಗ!

ಕಲಬುರಗಿ: ಮದ್ಯ ಸೇವಿಸಲು ಹಣ ನೀಡುತ್ತಿಲ್ಲ ಹಾಗೂ ತನಗೆ ಮದುವೆ ಮಾಡಲಿಲ್ಲ ಎಂಬ ಕೋಪದಲ್ಲಿ ಮಗನೊಬ್ಬ ಹೆತ್ತ ತಾಯಿಯನ್ನೇ ಕೊಂದಿರುವ ಘಟನೆ ಜಿಲ್ಲೆಯ ಚಿಂಚೋಳಿ ತಾಲೂಕಿನ ಕೊಂಚಾವರಂ ಠಾಣೆ ವ್ಯಾಪ್ತಿಯ ಪೋಚಾವರಂದಲ್ಲಿ ಸೋಮವಾರ ಬೆಳಗಿನ ಜಾವ ನಡೆದಿದೆ.

ಶೋಭಾ ಅಂಜಪ್ಪ ಬ್ಯಾಗೇರಿ ( 45) ಕೊಲೆಗೀಡಾದವರಾಗಿದ್ದು, ಅನಿಲ್‌ಕುಮಾರ್‌ ಅಂಜಪ್ಪ ಬ್ಯಾಗೇರಿ ( 25) ಆರೋಪಿ. ಈತನು ಕಟ್ಟಿಗೆ ಹಾಗೂ ಕಲ್ಲುಗಳಿಂದ ಹೊಡೆದು ತಾಯಿಯನ್ನು ಕೊಂದು ಪರಾರಿಯಾಗಿದ್ದು, ಆತನನ್ನು ಬಂಧಿಸುವಲ್ಲಿ ಪೊಲೀಸರು ಸಫ‌ಲರಾಗಿದ್ದಾರೆ.