“ಸರ್ದಾರ್‌ ಪಟೇಲ್‌ ಸ್ಟೇಡಿಯಂ’ಗೆ ಇನ್ನು ವಿಶ್ವದ ಬೃಹತ್‌ ಕ್ರಿಕೆಟ್‌ ಅಂಗಳದ ಗೌರವ

ಅಹ್ಮದಾಬಾದ್‌: ವಿಶ್ವದ ಬೃಹತ್‌ ಕ್ರಿಕೆಟ್‌ ಕ್ರೀಡಾಂಗಣವೆಂಬ ಹೆಗ್ಗಳಿಕೆ ಪ್ರಸ್ತುತ “ಮೆಲ್ಬರ್ನ್ ಕ್ರಿಕೆಟ್‌ ಗ್ರೌಂಡ್‌’ನದ್ದಾಗಿದೆ (ಎಂಸಿಜಿ). ಇಲ್ಲಿನ ವೀಕ್ಷಕರ ಸಾಮರ್ಥ್ಯ 1,00,024. ಆದರೆ ಮುಂದಿನ ವರ್ಷದಿಂದ ಈ ಕೀರ್ತಿ ಅಹ್ಮದಾಬಾದ್‌ನ ಮೊಟೆರಾದಲ್ಲಿರುವ “ಸರ್ದಾರ್‌ ಪಟೇಲ್‌ ಸ್ಟೇಡಿಯಂ’ ಪಾಲಾಗಲಿದೆ.
ಸರ್ದಾರ್‌ ಪಟೇಲ್‌ ಸ್ಟೇಡಿ ಯಂನ ಜೀರ್ಣೋದ್ಧಾರ ಕಾರ್ಯ ಬಹುತೇಕ ಅಂತಿಮ ಹಂತದ ಲ್ಲಿದ್ದು, ಮುಂದಿನ ವರ್ಷಾರಂ ಭದಲ್ಲಿ ಲೋಕಾ ರ್ಪಣೆಗೊಳ್ಳಲಿದೆ.
63 ಎಕರೆ ವ್ಯಾಪ್ತಿ
63 ಎಕರೆ ವ್ಯಾಪ್ತಿಯನ್ನು ಆವರಿಸಿಕೊಂಡಿರುವ ಈ ಸ್ಟೇಡಿಯಂನ ವೀಕ್ಷಕರ ಸಾಮರ್ಥ್ಯ 1,10,000. ಅಂದರೆ ಹಿಂದಿನ ಸ್ಟೇಡಿಯಂನ ಎರಡರಷ್ಟು. ಎಂಸಿಜಿಗಿಂತ 10 ಸಾವಿರದಷ್ಟು ಹೆಚ್ಚು ವೀಕ್ಷಕರು ಇಲ್ಲಿ ಪಂದ್ಯ ವೀಕ್ಷಿಸಬಹುದು.
ಟಿ20 ಪಂದ್ಯದ ಮೂಲಕ ಈ ಅಂಗಳವನ್ನು ಉದ್ಘಾಟಿಸುವುದು ಗುಜರಾತ್‌ ಕ್ರಿಕೆಟ್‌ ಮಂಡಳಿಯ ಯೋಜನೆ. ಇಲ್ಲಿ ಭಾರತ ಮತ್ತು ವಿಶ್ವ ಇಲೆವೆನ್‌ ತಂಡಗಳು ಮುಖಾಮುಖೀಯಾಗುವ ಸಾಧ್ಯತೆ ಇದೆ.