ಸೆಲ್ಫಿಗಾಗಿ ಸಮುದ್ರದಲ್ಲಿ ಬಂಡೆ ಏರಿ ಪರದಾಡಿದ ಬೆಂಗಳೂರು ಟೆಕ್ಕಿ!

ಮಂಗಳೂರು:ಸೆಲ್ಫಿ ಗೀಳು ಯಾವ ಮಟ್ಟಕ್ಕೆ ಇರುತ್ತದೆ ಎಂಬುದಕ್ಕೆ ಈ ಘಟನೆ ಸಾಕ್ಷಿ! ಬೆಂಗಳೂರಿನಿಂದ ಪ್ರವಾಸಕ್ಕಾಗಿ ಬಂದಿದ್ದ ಯುವಕರ ತಂಡದಲ್ಲಿದ್ದ ಟೆಕ್ಕಿಯೊಬ್ಬ ಸೆಲ್ಫಿ ಹುಚ್ಚಿನಿಂದ ಬಂಡೆ ಏರಿ ಸಮುದ್ರದ ಅಲೆಗಳ ಅಬ್ಬರದಿಂದ ಕೆಳಗಿಳಿಯಲಾಗದೆ ಪರದಾಡಿದ ಘಟನೆ ಸುರತ್ಕಲ್ ಬೀಚ್ ನಲ್ಲಿ ಸೋಮವಾರ ನಡೆದಿದೆ.

ಮಂಗಳೂರು ಸಮೀಪದ ಸುರತ್ಕಲ್ ಬೀಚ್ ನಲ್ಲಿ ಬೆಂಗಳೂರಿನಿಂದ ಆಗಮಿಸಿದ್ದ ಟೆಕ್ಕಿಯೊಬ್ಬ ಸೆಲ್ಫಿಗಾಗಿ ಬಂಡೆ ಏರಿದ್ದ. ಆದರೆ ರಕ್ಕಸ ಗಾತ್ರದ ಅಲೆಗಳಿಂದಾಗಿ ಟೆಕ್ಕಿ ಕೆಳಗಿಳಿಯಲಾಗದೆ ರಕ್ಷಣೆಗಾಗಿ ಅಯ್ಯೋ ಕಾಪಾಡಿ ಎಂದು ಕೂಗಿಕೊಳ್ಳತೊಡಗಿದ್ದ. ಈ ಸಂದರ್ಭದಲ್ಲಿ ಜತೆಗೆ ಬಂದಿದ್ದ ಸ್ನೇಹಿತರು ಕೂಡಾ ರಕ್ಷಣೆಗಾಗಿ ಬೊಬ್ಬಿರಿದಾಗ ಮುಲ್ಕಿ ಹೋಮ್ ಗಾರ್ಡ್ ತಂಡದವರು ಆಗಮಿಸಿ ಬೆಂಗಳೂರು ಕೆಆರ್ ಪುರಂ ನಿವಾಸಿ, ಟೆಕ್ಕಿ ಭರತ್ ನನ್ನು ರಕ್ಷಿಸಿದ್ದರು.