ಹೊರಬಿತ್ತು ಯೋಗರಾಜ್‌ ಭಟ್‌ ನಿರ್ದೇಶನದ ‘ಗರಡಿ’ ರಿಲೀಸ್ ದಿನಾಂಕ

ಯೋಗರಾಜ್‌ ಭಟ್‌ ನಿರ್ದೇಶನದ “ಗರಡಿ’ ಚಿತ್ರದ “ಹೊಡೆರೆಲೆ ಹಲಗಿ’ ಬಿಡುಗಡೆಯಾಗಿ ಹಿಟ್‌ಲಿಸ್ಟ್‌ ಸೇರಿದೆ. ನಿಶ್ವಿ‌ಕಾ ಸ್ಟೆಪ್‌ ಹಾಕಿರುವ ಹಾಡು ಸದ್ದು ಮಾಡುತ್ತಿರುವಾಗಲೇ ಚಿತ್ರದ ಮತ್ತೂಂದು ಅಪ್‌ಡೇಟ್‌ ಹೊರಬಿದ್ದಿದೆ. ಅದು ಸಿನಿಮಾದ ರಿಲೀಸ್‌ ಡೇಟ್‌.

ಹೌದು, “ಗರಡಿ’ ಚಿತ್ರ ಆಗಸ್ಟ್‌ 18ಕ್ಕೆ ಬಿಡುಗಡೆಯಾಗುತ್ತಿದೆ. ಈ ಮೂಲಕ ವರ್ಷದ ಬಳಿಕ ಭಟ್ಟರ ಸಿನಿಮಾ ಬಿಡುಗಡೆಯಾದಂತಾಗುತ್ತದೆ. ಕಳೆದ ವರ್ಷದ ಆಗಸ್ಟ್‌ 12 ರಂದು ಯೋಗರಾಜ್‌ ಭಟ್‌ ಅವರ “ಗಾಳಿಪಟ-2′ ಚಿತ್ರ ತೆರೆಕಂಡಿತ್ತು. ಈಗ ಒಂದು ವರ್ಷದ ಬಳಿಕ “ಗರಡಿ’ ಬರುತ್ತಿದೆ. ಈ ಚಿತ್ರವನ್ನು ಕೆವಿಎನ್‌ ಸಂಸ್ಥೆ ವಿತರಣೆ ಮಾಡುತ್ತಿದೆ ಎನ್ನಲಾಗಿದೆ.

ಮಾಜಿ ಸಚಿವ, ನಟ ಬಿ.ಸಿ.ಪಾಟೀಲ್‌ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಯಶಸ್‌ ಸೂರ್ಯ ನಾಯಕರಾಗಿರುವ ಈ ಚಿತ್ರದಲ್ಲಿ ಸೋನಾಲ್‌ ಮೊಂತೆರೋ ನಾಯಕಿ. ಚಿತ್ರದ ವಿಲನ್‌ ಪಾತ್ರದಲ್ಲಿ ಬಿ.ಸಿ.ಪಾಟೀಲ್‌ ಅಳಿಯ ಸುಜಯ್‌ ಬೇಲೂರು ನಟಿಸಿದ್ದಾರೆ.