‘ಹೊಸ ಸಂವಿಧಾನ’ವಿಚಾರ : ಆರ್‌ಎಸ್‌ಎಸ್‌ ಸ್ಪಷ್ಟನೆ

ನಾಗ್ಪುರ: ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿರುವ ‘ಹೊಸ ಸಂವಿಧಾನ’ ವಿಚಾರಕ್ಕೂ ಆರ್‌ಎಸ್‌ಎಸ್‌ಗೂ ಯಾವುದೇ ಸಂಬಂಧವಿಲ್ಲ. ಇದು ಸಂಘಟನೆಯ ವರ್ಚಸ್ಸಿಗೆ ಧಕ್ಕೆ ತರುವ ಪ್ರಯತ್ನದ ಭಾಗವೇ ಆಗಿದೆ ಎಂದು ಸಂಘಟನೆಯ ನಾಯಕ ಶ್ರೀಧರ ಗಡ್ಗೆ ತಿಳಿಸಿದ್ದಾರೆ.

‘ನಯಾ ಭಾರತೀಯ ಸಂವಿಧಾನ್‌’ ಎಂಬ 15 ಪುಟಗಳ ಪುಸ್ತಕದಲ್ಲಿ ಆರ್‌ಎಸ್‌ಎಸ್‌ ಮುಖ್ಯಸ್ಥ ಮೋಹನ್‌ ಭಾಗವತ್‌ ಫೋಟೋ ಒಳಗೊಂಡಿರುವುದು ವೈರಲ್‌ ಆಗಿದೆ. ಸಂಘಟನೆ ವತಿಯಿಂದ ಆ ರೀತಿಯ ಪುಸ್ತಕವನ್ನು ಪ್ರಕಟಿಸಲಾಗಿಲ್ಲ. ಸದ್ಯ ಇರುವ ಸಂವಿಧಾನದ ಮೇಲೆಯೇ ಸಂಘಕ್ಕೆ ಅಪರಿಮಿತ ವಿಶ್ವಾಸ, ನಂಬಿಕೆ ಇದೆ ಎಂದು ಗಡ್ಗೆ ತಿಳಿಸಿದ್ದಾರೆ.