ಪ.ಬಂಗಾಲ ಚಿತ್ರಣ ಬದಲಾಗಬೇಕಿದೆ: ಮೋಹನದಾಸ್‌ ಪೈ

ಕೋಲ್ಕತಾ: ಔದ್ಯಮಿಕ ಅಭಿವೃದ್ಧಿಯ ಹಾದಿಯಲ್ಲಿ ಪುನಃ ಸಾಗಲು ಪಶ್ಚಿಮ ಬಂಗಾಳ ತನ್ನ ಚಿತ್ರಣವನ್ನು ಮೊದಲು ಬದಲಿಸಿಕೊಳ್ಳಬೇಕಿದೆ ಮತ್ತು ಹೂಡಿಕೆದಾರರ ವಿಶ್ವಾಸವನ್ನು ಗಳಿಸಬೇಕಿದೆ ಎಂದು ಇನ್ಫೋಸಿಸ್‌ನ ಮಾಜಿ ನಿರ್ದೇಶಕ ಟಿ.ವಿ.ಮೋಹನದಾಸ್‌ ಪೈ ಹೇಳಿದ್ದಾರೆ. ಪ್ರಸ್ತುತ ಮಮತಾ ಬ್ಯಾನರ್ಜಿ ನೇತೃತ್ವದ ತೃಣಮೂಲ ಕಾಂಗ್ರೆಸ್‌ ಚಿತ್ರಣವನ್ನು ಬದಲಿಸಲು ಪ್ರಯತ್ನಿಸುತ್ತಿದೆಯಾದರೂ, ಹೂಡಿಕೆದಾರರ ಮನಸ್ಥಿತಿಯನ್ನೇ ಬದಲಿಸಬೇಕಾದ ಅಗತ್ಯವಿದೆ. ಈ ಬದಲಾವಣೆ ಯಶಸ್ಸು ಕಾಣುತ್ತದೆಯೇ ಎಂಬುದನ್ನು ಕಾದು ನೋಡಬೇಕಿದೆ. ಇಡೀ ಈಶಾನ್ಯ ಭಾಗದ ಅಭಿವೃದ್ಧಿ ಪಶ್ಚಿಮ ಬಂಗಾಳ ಬೆಳವಣಿಗೆಯಾಗುವುದು ಅಗತ್ಯವಿದೆ. ಟಾಟಾ ಮೋಟಾರ್ಸ್‌ ತನ್ನ ನ್ಯಾನೋ ಕಾರು ಯೋಜನೆಯನ್ನು ಸಿಂಗೂರಿನಿಂದ ಕೈಬಿಟ್ಟಿರುವುದು ರಾಜ್ಯಕ್ಕೆ ದೊಡ್ಡ ಹೊಡೆತ ನೀಡಿದೆ ಎಂದು ಅವರು ಹೇಳಿದ್ದಾರೆ.