ಸಂಗೀತ ಸಂಕ್ರಾಂತಿ ಇಂದು

ಬೆಂಗಳೂರು: ಕನ್ನಡ ಸಂಘ ಜ. 23 ರಂದು ನಗರದಲ್ಲಿ “ಸಂಗೀತ ಸಂಕ್ರಾಂತಿ’ ಕಾರ್ಯಕ್ರವನ್ನು ಏರ್ಪಡಿಸಿದೆ. ಸಂಜೆ 6 ಗಂಟೆಗೆ ಮಲ್ಲೇಶ್ವರ ಸೇವಾ ಸದನದಲ್ಲಿ ಕಾರ್ಯಕ್ರ ನಡೆಯಲಿದ್ದು ವಾಣಿಜ್ಯ ತೆರಿಗೆ ಇಲಾಖೆಯ ಆಯುಕ್ತ ಶ್ರೀಕರ್‌ ಎಂ.ಎಸ್‌ ಅವರು ಸಮಾರಂಭವನ್ನು ಉದ್ಘಾಟಿಸಲಿದ್ದಾರೆ.

ಮುಖ್ಯ ಅತಿಥಿಗಳಾಗಿ ವಾಣಿಜ್ಯ ತೆರಿಗೆ ಇಲಾಖೆ ಅಧಿಕಾರಿಗಳ ಸಂಘದ ಅಧ್ಯಕ್ಷ ಸಿ.ಎನ್‌. ಶಿವಪ್ರಕಾಶ್‌ ಮತ್ತು ವಾರ್ತಾ ಇಲಾಖೆಯ ಸಿ ಮತ್ತು ಡಿ ದರ್ಜೆ ಸಂಘದ ಅಧ್ಯಕ್ಷ ಎನ್‌.ಎಸ್‌. ಪ್ರಸನ್ನ ಸೇರಿದಂತೆ ಮತ್ತಿತರರು ಉಪಸ್ಥಿತರಿರಲಿದ್ದಾರೆ ಎಂದು ಸಂಘದ ಪ್ರಕಟಣೆ ತಿಳಿಸಿದೆ.