ಮನೆಗೆಲಸದ ಯುವತಿ ಉದ್ಯಮಿ ಮನೆಯಲ್ಲಿ ಕೊಲೆ?

ಮಹದೇವಪುರ: ಮನೆಕೆಲಸದ ಯುವತಿಯೊಬ್ಬಳು ಕೆಲಸ ಮಾಡುವ ಮನೆಯಲ್ಲೇ ನೇಣು ಬಿಗಿದ ಸ್ಥಿತಿಯಲ್ಲಿ ಸಾವನ್ನ ಪ್ಪಿದ್ದು ಮನೆ ಮಾಲೀಕನೇ ಕೊಲೆ ಮಾಡಿರಬಹುದೆಂದು ಪೋಷಕರು ಆರೋಪಿಸಿದ್ದಾರೆ. ಜಾರ್ಖಂಡ್‌ ಮೂಲದ ಖುಷ್ಬು (18) ಸಾವನ್ನಪ್ಪಿರುವ ಯುವತಿ.

ಕಳೆದ 6 ತಿಂಗಳಿಂದ ಗರುಡಾಚಾರ್‌ಪಾಳ್ಯದಲ್ಲಿರುವ ಪುರವಂಕರ ವಿಲ್ಲಾಗಳಲ್ಲಿನ ಮನೋಜ್‌ ಶರ್ಮ ಎಂಬ ಉದ್ಯಮಿಯ ಮನೆಯಲ್ಲಿ ಕೆಲಸಕ್ಕೆ ಸೇರಿದ್ದಳು. ಉದ್ಯಮಿ ಮನೆಯಲ್ಲೇ ಆಕೆ ರಾತ್ರಿ ಯೂ ಮಲಗುತ್ತಿದ್ದಳು. ಮನೆಯಲ್ಲಿ ಕೆಲಸಕ್ಕೆ ಸೇರಿದಾಗಿಲಿನಿಂದಲೂ ಮಾಲೀಕ ಕಿರುಕುಳ ನೀಡುತ್ತಿದ್ದ ಎಂದು ಸಾವನ್ನಪ್ಪಿರುವ ಖುಷ್ಬು ಪೊಷಕರಿಗೆ ಹೇಳಿದ್ದಳು.

ಈ ಬಗ್ಗೆ ಕೆಲವು ಬಾರಿ ಮನೆ ಮಾಲೀಕನ ಬಳಿಯೂ ಪೋಷಕರು ಹೋಗಿ ಹೇಳಿದ್ದರು. ಈಗ ಮನೆ ಮಾಲೀಕನೆ ಕೊಲೆ ಮಾಡಿ ನೇಣು ಬಿಗಿದುಕೊಂಡು ಸಾವನ್ನಪ್ಪಿರುವಂತೆ ಮಾಡಿದ್ದಾನೆಂದು ಆರೋಪಿಸಿದ್ದಾರೆ. ಮಹದೇವಪುರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.