ಜೂ. 15ಕ್ಕೆ ತೆರೆಯಲಿದೆ ಮೋಹನ್‌ ಬಗಾನ್‌ ಕ್ಲಬ್‌

ಕೋಲ್ಕತಾ: ಭಾರತದ “ಫ‌ುಟ್‌ಬಾಲ್‌ ದೈತ್ಯ ಕ್ಲಬ್‌’ ಎನಿಸಿರುವ ಮೋಹನ್‌ ಬಗಾನ್‌ ಜೂ. 15ರಂದು ಪುನರಾರಂಭಗೊಳ್ಳಲಿದೆ.

ಇಷ್ಟು ದಿನಗಳ ಕಾಲ ಲಾಕ್‌ಡೌನ್‌ನಿಂದಾಗಿ ಇದು ಮುಚ್ಚಿತ್ತು. ಇನ್ನು ತನ್ನ ಸದಸ್ಯರಿಗೆ, ಬೆಂಬಲಿಗರಿಗೆ ಇದು ಬಾಗಿಲು ತೆರೆಯಲಿದೆ.

ಆದರೆ ನೂತನ ಫ‌ುಟ್‌ಬಾಲ್‌ ತಂಡವಾದ “ಎಟಿಕೆ-ಮೋಹನ್‌ ಬಗಾನ್‌’ ಯಾವಾಗ ಅಧಿಕೃತ ಚಾಲನೆ ಪಡೆಯಲಿದೆ ಎಂಬುದು ಇನ್ನೂ ನಿಗದಿಯಾಗಿಲ್ಲ. ಇದು ಜೂನ್‌ ಒಂದಕ್ಕೆ ಉದ್ಘಾಟನೆಯಾಗಬೇಕಿತ್ತು. ಆದರೆ ಪ್ರಸಕ್ತ ಸನ್ನಿವೇಶ, ವಿಳಂಬಗೊಂಡ ಮಂಡಳಿ ಸಭೆ, ಲೋಗೊ ಹಾಗೂ ಜೆರ್ಸಿ ತಯಾರಿ ಸಾಧ್ಯವಾಗದ ಕಾರಣ ಇದನ್ನು ಮುಂದೂಡಲಾಗಿದೆ.