ನೂತನ ಅನುಭವ ಮಂಟಪಕ್ಕೆ ಅನುದಾನ ಕಲ್ಪಿಸಲು ಮನವಿ

ಬಸವಕಲ್ಯಾಣ: ವಿಶ್ವಗುರು ಬಸವಣ್ಣನವರ ಕಾರ್ಯಕ್ಷೇತ್ರ ಬಸವಕಲ್ಯಾಣದಲ್ಲಿ ನೂತನ ಅನುಭವ ಮಂಟಪ ನಿರ್ಮಾಣ ಹಾಗೂ ವಿವಿಧ ಕಾಮಗಾರಿಗಳಿಗಾಗಿ 100 ಕೋಟಿ ಅನುದಾನ ಬಿಡುಗಡೆ ಮಾಡಬೇಕೆಂದು ಮುಖ್ಯಮಂತ್ರಿಗಳಿಗೆ ಒತ್ತಾಯಿಸುವಂತೆ ನೂತನ ಅನುಭವ ಮಂಟಪ ನಿರ್ಮಾಣ ತಜ್ಞರ ಸಮಿತಿ ಅಧ್ಯಕ್ಷ ಗೋ.ರು. ಚನ್ನಬಸಪ್ಪ ಅವರಿಗೆ ಬಿಕೆಡಿಬಿ ಸದಸ್ಯ ಶಿವರಾಜ ನರಶೆಟ್ಟಿ ಮನವಿ ಮಾಡಿದರು. 

ಸರ್ಕಾರದಿಂದ ನೂರು ಎಕರೆ ಜಮೀನು ತೆಗೆದುಕೊಂಡು ಅಲ್ಲಿ ಅನುಭವ ಮಂಟಪ ನಿರ್ಮಿಸಬೇಕು. ಶರಣರ ಗವಿಗಳ ಗೋಡೆಗಳ ಮೇಲೆ ಶರಣರ ಜೀವನ ದರ್ಶನಕ್ಕೆ ಸಂಬಂಧಿಧಿಸಿದ ಉಬ್ಬುಚಿತ್ರ, ವರ್ಣ ಚಿತ್ರ ನಿರ್ಮಿಸಬೇಕು. ಪರುಷಕಟ್ಟೆಯ ಸ್ಥಳವನ್ನು ವಿಶ್ವ ಮಟ್ಟದಲ್ಲಿ ಅಭಿವೃದ್ಧಿ ಪಡಿಸಬೇಕು.

ಬೆಟಬಾಲಕುಂದಾದಲ್ಲಿಯ ಗುಹೆಗಳು, ದಾಸೋಹ ಮಂಟಪ, ಗಂಜಿಕೇಂದ್ರ ಸಂಶೋಧಿಧಿಸಿ ಅವುಗಳನ್ನು ಬಿಕೆಡಿಬಿಯಿಂದ ಅಭಿವೃದ್ಧಿಪಡಿಸಬೇಕು. ಹರಳಯ್ಯ ದಿಬ್ಬ ಗುರುತಿಸಿ ವಿಶ್ವಮಟ್ಟದ ಸ್ಮಾರಕ ಸ್ತಂಭ ನಿರ್ಮಿಸಬೇಕೆಂದು ಮನವಿ ಮಾಡಿದರು. ಅಕ್ಕ ಡಾ| ಗಂಗಾಂಬಿಕಾ ಪಾಟೀಲ, ಶರಣ ಸಾಹಿತ್ಯ ಪರಿಷತ್‌ ಅಧ್ಯಕ್ಷ ಗುರುನಾಥ ಗಡ್ಡೆ, ಶ್ರೀಮಂತ ರಾಜೇಶ್ವರ ಇನ್ನಿತರರು ಉಪಸ್ಥಿತರಿದ್ದರು.