ಪ್ರಧಾನಿ ನರೇಂದ್ರ ಮೋದಿಯವರನ್ನು ಭೇಟಿ ಮಾಡಿದ ಕಾಶ್ಮೀರ ಫೈಲ್ಸ್ ಚಿತ್ರ ತಂಡ

ಹೊಸದಿಲ್ಲಿ: ಇತ್ತೀಚೆಗೆ ಬಿಡುಗಡೆಯಾಗಿ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದ ಕಾಶ್ಮೀರ ಫೈಲ್ಸ್‌ ಚಿತ್ರತಂಡವು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿಯಾಗಿದೆ.

ನಿರ್ದೇಶಕ ವಿವೇಕ್ ರಂಜನ್ ಅಗ್ನಿಹೋತ್ರಿ, ಅವರ ಪತ್ನಿ ಮತ್ತು ನಟಿ ಪಲ್ಲವಿ ಜೋಶಿ ಮತ್ತು ಚಿತ್ರದ ನಿರ್ಮಾಪಕ ಅಭಿಷೇಕ್ ಸೇರಿದಂತೆ ಚಿತ್ರದ ತಂಡವು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಮಾರ್ಚ್ 12 ರಂದು ಭೇಟಿ ಮಾಡಿತು.

ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಚಿತ್ರತಂಡವನ್ನು ಅಭಿನಂದಿಸಿದರು ಮತ್ತು ಚಲನಚಿತ್ರವನ್ನು ಶ್ಲಾಘಿಸಿದರು.

ಕಾಶ್ಮೀರದಲ್ಲಿ ನಡೆದ ನರಮೇಧದ ಕುರಿತ ಕಥೆಯನ್ನು ಹೊಂದಿದ ಕಾಶ್ಮೀರ ಫೈಲ್ಸ್ ಚಿತ್ರವನ್ನು ವಿವೇಕ್ ರಂಜನ್ ಅಗ್ನಿಹೋತ್ರಿ ನಿರ್ದೇಶಿಸಿದ್ದಾರೆ.

ಇದನ್ನೂ ಓದಿ:ರಷ್ಯಾಕ್ಕೆ ತೆರಳಲು ಕೋರ್ಟ್‌ ಮೊರೆ ಹೋದ ಅನಿವಾಸಿ ಭಾರತೀಯ!

ಕಾಶ್ಮೀರ ಫೈಲ್ಸ್ ಚಿತ್ರವು ಮಾರ್ಚ್ 11 ರಂದು ತೆರೆಕಂಡಿದ್ದು, ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಆರಂಭ ಪಡೆದಿದೆ. ಮೊದಲ ದಿನವೇ ಚಿತ್ರವು 3.55 ಕೋಟಿ ರೂ. ಬಾಚಿದೆ.

ಚಿತ್ರದ ಪಾತ್ರವರ್ಗದಲ್ಲಿ ಪುಷ್ಕರನಾಥ್ ಪಾತ್ರದಲ್ಲಿ ಅನುಪಮ್ ಖೇರ್, ಬ್ರಹ್ಮ ದತ್ ಆಗಿ ಮಿಥುನ್ ಚಕ್ರವರ್ತಿ, ಕೃಷ್ಣ ಪಂಡಿತ್ ಆಗಿ ದರ್ಶನ್ ಕುಮಾರ್, ರಾಧಿಕಾ ಮೆನನ್ ಆಗಿ ಪಲ್ಲವಿ ಜೋಶಿ, ಶ್ರದ್ಧಾ ಪಂಡಿತ್ ಆಗಿ ಭಾಷಾ ಸುಂಬಲಿ ಮತ್ತು ಫಾರೂಕ್ ಮಲಿಕ್ ಅಕಾ ಬಿಟ್ಟಾ ಪಾತ್ರದಲ್ಲಿ ಚಿನ್ಮಯ್ ಮಾಂಡ್ಲೇಕರ್ ಕಾಣಿಸಿಕೊಂಡಿದ್ದಾರೆ.