Advertisement
ದಿಕ್ಕು ಬದಲಿಸಿದ ಗ್ರಾಹಕಹೊಟೇಲ್ಗೆ ಬಂದಿದ್ದ ಗ್ರಾಹಕ ರೊಬ್ಬರು ಸಮೀರ್‌ ಅವರನ್ನು ನೋಡಿ “ನೀನ್ಯಾಕೆ ಮಾಡಲಿಂಗ್‌ ಕ್ಷೇತ್ರದಲ್ಲಿ ತೊಡಗಿಸಿಕೊಳ್ಳಬಾರದು’ ಎಂದು ಸಲಹೆ ನೀಡಿದರಂತೆ. ಕಿವಿ ನಿಮಿರಿಸಿದ ಸಮೀರ್‌, ಹಳ್ಳಿ ಪ್ರದೇಶದಲ್ಲಿ ಹುಟ್ಟಿದ ತಾನು ಮಾಡಲಿಂಗ್‌ ಕ್ಷೇತ್ರದಲ್ಲಿ ಕೆಲಸ ಮಾಡುವುದು ಕಷ್ಟ ಎಂದು ಕೈಕಟ್ಟಿ ಕೂರಲಿಲ್ಲ. ಪ್ರಯತ್ನ ಮಾಡೋಣ, ಫಲ ದೇವರಿಗೆ ಬಿಟ್ಟದ್ದು ಎಂದು ಯೋಚಿಸಿ ಮಾಡಲಿಂಗ್‌ ಜಗತ್ತಿನೊಳಗೆ ಅಂಬೆಗಾಲಿಕ್ಕಿದರು. ಅಲ್ಲಿ ಏಳುತ್ತ ಬೀಳುತ್ತ ನಡೆಯಲು ಕಲಿತ ಹುಡುಗ ಈಗ ಮುಂಚೂಣಿಯ ಮಾಡೆಲ್‌ ಆಗಿ ಸ್ಥಾಪನೆಗೊಂಡಿದ್ದಾರೆ.
ಇದುವರೆಗೆ ಸಮೀರ್‌ ಖಾನ್ ಅವರ ಬಳಿ ಪಳಗಿದ ರೂಪದರ್ಶಿಗಳ ಸಂಖ್ಯೆ ಒಂದು ಸಾವಿರಕ್ಕೂ ಮಿಕ್ಕಿದೆ. ಹಿಂದಿ, ಕನ್ನಡ, ತಮಿಳು, ತೆಲುಗು, ಕನ್ನಡ ಸೇರಿದಂತೆ ವಿವಿಧ ಭಾಷೆಯ ನಟ-ನಟಿಯರಿಗೆ ಇವರು ಫ್ಯಾಷನ್‌ ಕೊರಿಯೋಗ್ರಫ‌ರ್‌ ಆಗಿ ಕೆಲಸ ನಿರ್ವಹಿಸಿದ್ದಾರೆ. ಫ್ಯಾಶನ್‌ ಶೋಗಳಲ್ಲಿ ಮಾಡೆಲ್‌ಗ‌ಳ ನಡಿಗೆ, ಹಾವಭಾವ, ಅಂಗಭಂಗಿ ಇತ್ಯಾದಿ ಕೊರಿಯೋಗ್ರಫಿ ತರಬೇತಿ ನೀಡುವುದು ಇವರು ನಿರ್ವಹಿಸುವ ಮುಖ್ಯ ಕಾರ್ಯ. ದೂರಶಿಕ್ಷಣ ಮುಖೇನ ಹೊಟೇಲ್‌ ಮ್ಯಾನೇಜ್‌ಮೆಂಟ್‌ ವಿಷಯದಲ್ಲಿ ಪದವಿ ಪಡೆದಿರುವ ಇವರು ಅನೇಕ ಪ್ರತಿಷ್ಠಿತ ಸೌಂದರ್ಯ ಸ್ಪರ್ಧೆಗಳಲ್ಲಿ ಫ್ಯಾಶನ್‌ ಕೊರಿಯೋಗ್ರಫ‌ರ್‌ ಆಗಿ ಗುರುತಿಸಿಕೊಂಡಿದ್ದಾರೆ. 2008ರಲ್ಲಿ ಬೆಂಗಳೂರಿನಲ್ಲಿ ನಡೆದ ಸ್ಪರ್ಧೆಯಲ್ಲಿ ಬೆಸ್ಟ್‌ ಕೊರಿಯೋಗ್ರಫ‌ರ್‌ ಪ್ರಶಸ್ತಿ ಪಡೆದಿದ್ದಾರೆ. ಕರ್ನಾಟಕ- ಕೇರಳ- ಹೈದರಾಬಾದ್‌ ರಾಜ್ಯಗಳ ವ್ಯಾಪ್ತಿಯಲ್ಲಿ ನಡೆಯುವ ಪ್ರಖ್ಯಾತ ಮಿಸ್‌ ಸೌತ್‌ ಇಂಡಿಯಾ ಸ್ಪರ್ಧೆಯಲ್ಲಿ ಫ್ಯಾಶನ್‌ ಕೊರಿಯೋಗ್ರಫ‌ರ್‌ ಆಗಿ ಸತತ ನಾಲ್ಕು ವರ್ಷಗಳಿಂದ ಕೆಲಸ ಮಾಡುತ್ತಿದ್ದಾರೆ. ಮಿಸ್‌ ಸೌತ್‌ ಇಂಡಿಯಾ ಕೊಚ್ಚಿ (2008), ಮಿಸ್‌ ಸೌತ್‌ ಇಂಡಿಯಾ ಬೆಂಗಳೂರು, ಮಿಸ್‌ ಕ್ವೀನ್‌ ಆಫ್‌ ಇಂಡಿಯಾ ಬೆಂಗಳೂರು, ತ್ರಿಪುರಾ ಫ್ಯಾಶನ್‌ ವೀಕ್‌, ಇಂಟರ್‌ನ್ಯಾಷನಲ್‌ ಫ್ಯಾಶನ್‌ ಫೆಸ್ಟ್‌ ಕೊಚ್ಚಿ, ಮಿಸ್‌ ಸೌತ್‌ ಇಂಡಿಯಾ ತೃಶ್ಶೂರು, ಮಿಸ್‌ ಮಂಗಳೂರು, ಬೆಂಗಳೂರು ಫ್ಯಾಶನ್‌ ಫೆಸ್ಟ್‌, ಕೇರಳ ಫ್ಯಾಶನ್‌ ಲೀಗ್‌, ಮಿಸ್‌ ಏಷ್ಯ, ಮಿಸ್‌ ಸೌತ್‌ ಇಂಡಿಯಾ ಕ್ವೀನ್‌ ಸೇರಿದಂತೆ ವಿವಿಧ ಸೌಂದರ್ಯ ಸ್ಪರ್ಧೆಗಳಲ್ಲಿ ರೂಪದರ್ಶಿಗಳಿಗೆ ಕೊರಿಯೋ ಗ್ರಫಿ ತರಬೇತಿ ನೀಡಿದ್ದಾರೆ.
Related Articles
Advertisement
ಜೀವನದಲ್ಲಿ ನಾವು ಮಾಡುವ ಕೆಲಸದಲ್ಲಿ ಖಚಿತ ಗುರಿ ಮತ್ತು ಅದನ್ನು ಸಾಧಿಸುವ ಶ್ರದ್ಧೆ ಇದ್ದರೆ ಯಾವುದೂ ಕಠಿನವಲ್ಲ. ಫ್ಯಾಶನ್‌ ಕ್ಷೇತ್ರದ ಬಗ್ಗೆ ಅನೇಕರಿಗೆ ತಪ್ಪು ಅಭಿಪ್ರಾಯ ಇದೆ. ಆದರೆ ಒಳಹೊಕ್ಕರೆ ನಿಜಾಂಶ ತಿಳಿಯುತ್ತದೆ.ಸಮೀರ್‌ ಖಾನ್, ರೂಪದರ್ಶಿ ನವೀನ್‌ ಭಟ್‌ ಇಳಂತಿಲ