Advertisement
ಧೋನಿ ಜಾಗವನ್ನು ತುಂಬಬಲ್ಲ ಸಮರ್ಥ ವಿಕೆಟ್‌ ಕೀಪರ್‌ ಎಂದು ಹೇಳಲಾದ ಪಂತ್‌ ಇತ್ತೀಚೆಗಿನ ದಿನಗಳಲ್ಲಿ ವಿಕೆಟ್‌ ಹಿಂದುಗಡೆ ಕಳಪೆ ನಿರ್ವಹಣೆ ಮತ್ತು ನಿರ್ಣಾಯಕ ಹಂತದಲ್ಲಿ ಕೆಟ್ಟ ಹೊಡೆತಗಳಿಂದ ಸುಲಭವಾಗಿ ಔಟಾಗುವ ಮೂಲಕ ಬಹಳಷ್ಟು ಟೀಕೆಗೆ ಒಳಗಾಗಿದ್ದರು. ಇದು ಭಾರತೀಯ ತಂಡದ ಆಡಳಿತ ಕಳವಳ ವ್ಯಕ್ತಪಡಿಸಲು ಕಾರಣವಾಗಿದೆ.
“ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನಾನು ಕಲಿಯಲು ಬಹಳಷ್ಟಿದೆ. ನನ್ನ ಕುರಿತು ಮಾಡಲಾಗುವ ಟೀಕೆಗಳನ್ನು ಮನಸ್ಸಿಗೆ ಹಚ್ಚಿಕೊಳ್ಳದೇ ಆಟದ ಕಡೆ ಗಮನ ಹರಿಸುವುದನ್ನು ಮುಂದುವರಿಸುವೆ. ನಾನೀಗ ಕಲಿಯುವ ಹಂತದಲ್ಲಿದ್ದೇನೆ. ತಂಡದ ಏಳಿಗೆಗೆ ನನ್ನಿಂದಾಗುವ ಸಹಾಯ ಮಾಡುವತ್ತ ಗಮನ ಹರಿಸುವೆ’ ಎಂದು ಪಂತ್‌ ಹೇಳಿದರು.