Draupadi Murmu: ರಾಷ್ಟ್ರಪತಿ ತವರಿಗೆ ಮೊದಲ ರೈಲು !

ಭುವನೇಶ್ವರ: ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಹುಟ್ಟೂರು ಸೇರಿದಂತೆ ಒಡಿಶಾದ ಬುಡಕಟ್ಟು ಪ್ರಾಬಲ್ಯದ ಜಿಲ್ಲೆ ಮಯೂರ್‌ಭಂಜ್‌ನ 6 ಮಾರ್ಗದಲ್ಲಿ ಇನ್ನು ಮುಂದೆ ರೈಲುಗಳ ಸಂಚಾರ ಆರಂಭವಾಗಲಿದೆ. ಇತ್ತೀಚೆಗಷ್ಟೇ ಭಾರತೀಯ ರೈಲ್ವೆ ಮಯೂರ್‌ಭಂಜ್‌ಗೆ 4 ಜೊತೆ ರೈಲುಗಳನ್ನು ನಿಯೋಜಿಸಲು ಅನುಮೋದನೆ ನೀಡಿತ್ತು.

ಈ ಪೈಕಿ ಇದೀಗ ಮೂರು ಜೊತೆ ರೈಲುಗಳು ಕಾರ್ಯಾಚರಣೆಗೆ ಸನ್ನದ್ದಾ ಗಿವೆ. ಅದರಲ್ಲಿ ಬದಮ್‌ಪಹರ್‌- ರೌರ್‌ಕೆಲಾ – ಬದಮ್‌ಪಹರ್‌ ಮಾರ್ಗವಾಗಿ ಸಂಚರಿಸುವ 2 ರೈಲುಗಳೂ ಸೇರಿವೆ. ಇದು ಮುರ್ಮು ಅವರ ಹುಟ್ಟೂರಾಗಿದ್ದು, ಈ ತೆಹಶಿಲ್‌ಗೆ ಮಂಜೂರಾಗಿರುವ ಮೊದಲ ಪ್ಯಾಸೆಂಜರ್‌ ರೈಲು ಇದಾಗಿದೆ ಎಂದು ರೈಲ್ವೆ ಸಚಿವ ಅಶ್ವಿ‌ನಿ ವೈಷ್ಣವ್‌ ತಿಳಿಸಿದ್ದಾರೆ.