ಮಿಥಾಲಿ ಟಿ20 ವೃತ್ತಿಜೀವನ ಅಂತ್ಯ?

ಹೊಸದಿಲ್ಲಿ: ಭಾರತದ ಖ್ಯಾತ ಕ್ರಿಕೆಟ್‌ ಆಟಗಾರ್ತಿ, ಮಿಥಾಲಿ ರಾಜ್‌ ಅವರ ಟಿ20 ವೃತ್ತಿಜೀವನ ಅಂತ್ಯವಾಯಿತೇ? ಸದ್ಯದ ಬೆಳವಣಿಗೆ ಅದನ್ನು ಹೌದೆಂದು ದೃಢೀಕರಿಸುತ್ತಿವೆ. ಸೆ. 24ರಿಂದ ಭಾರತದಲ್ಲಿ ದ.ಆಫ್ರಿಕಾ ವಿರುದ್ಧ 5 ಪಂದ್ಯಗಳ ಟಿ20 ಸರಣಿ ಆರಂಭವಾಗುತ್ತದೆ. ಅದಕ್ಕೆ ಸೆ.5ಕ್ಕೆ ತಂಡ ಆಯ್ಕೆಯಾಗುತ್ತದೆ. ಈ ಹಿಂದೆಯೇ ಮಿಥಾಲಿ ರಾಜ್‌ ಅವರನ್ನು ಟಿ20 ತಂಡದಿಂದ ಕೈಬಿಡಲು ಸಿದ್ಧತೆಗಳು ನಡೆದಿದ್ದವು. ಆಗ ಬಹಳ ವಿವಾದಗಳು ಸಂಭವಿಸಿದ್ದವು. ಈ ಬಾರಿ ಅವರನ್ನು ತಂಡಕ್ಕೆ ಆಯ್ಕೆ ಮಾಡದಿರುವುದು ಶೇ.99ರಷ್ಟು ಖಚಿತ ಎಂದು ಹೇಳಲಾಗಿದೆ.

ಆದರೆ ಮಿಥಾಲಿ ರಾಜ್‌ ಮಾತ್ರ ತಾನು ಆಯ್ಕೆಗೆ ಲಭ್ಯವಿದ್ದೇನೆ ಎಂದು ಹೇಳಿಕೊಂಡಿರುವುದು ಗೊಂದಲ ಮೂಡಿಸಿದೆ.