ವಿಟ್ಲ: ನಿಂತಿದ್ದ ಬಸ್ ಚಲಿಸಿ ಚರಂಡಿಗೆ ಬಿದ್ದು ಜಖಂ!

ವಿಟ್ಲ: ನಿಲುಗಡೆ ಮಾಡಿದ್ದ ಖಾಸಗಿ ಬಸ್ ಚಲಿಸಿ ಚರಂಡಿಗೆ ಬಿದ್ದ ಘಟನೆ ವಿಟ್ಲ ಬಾಕಿಮಾರ್ ಪೆಟ್ರೋಲ್ ಪಂಪ್ ಬಳಿಯಲ್ಲಿ ಸಂಭವಿಸಿದೆ.

ವಿಟ್ಲ ಕಾಸರಗೋಡು ರಸ್ತೆಯಲ್ಲಿರುವ ಪೆಟ್ರೋಲ್ ಪಂಪ್ ನಲ್ಲಿ ಪ್ರತಿನಿತ್ಯದಂತೆ ನಿನ್ನೆ ರಾತ್ರಿ ಬಸ್ ಅನ್ನು ನಿಲ್ಲಿಸಲಾಗಿತ್ತು. ಬೆಳಗ್ಗೆ ದಿಢೀರನೆ ಬಸ್ ತಾನಾಗಿ ಚಲಿಸಿ, ಮುಂಭಾಗದ ರಸ್ತೆ ಬದಿಯ ಚರಂಡಿಗೆ ಜಾರಿದೆ. ಇದರಿಂದ ಕೆಲಹೊತ್ತು ಸಂಚಾರದಲ್ಲಿ ಅಸ್ತವ್ಯಸ್ತಗೊಂಡಿದೆ.

ಚಾಲಕ ಬೆಳಿಗ್ಗೆ ಬಸ್ಸನ್ನು ಒಮ್ಮೆ ಪಕ್ಕಕ್ಕೆ ತಂದು ನಿಲ್ಲಿಸಿ, ಹೋಗಿದ್ದು, ಈ ಸಂದರ್ಭ ತಾಂತ್ರಿಕ ತೊಂದರೆಯಿಂದ ಈ ಘಟನೆ ಸಂಭವಿಸಿದೆ ಎನ್ನಲಾಗಿದೆ.

ಇದನ್ನೂ ಓದಿ:ಸಂಪುಟ ಸಂಕ್ರಾಂತಿ: ಯಾರಿಗೆ ಸಿಹಿ- ಯಾರಿಗೆ ಕಹಿ? ಇಲ್ಲಿದೆ ನೂತನ ಸಚಿವರ ಸಂಪೂರ್ಣ ಪಟ್ಟಿ