ಹಬ್ಬಕ್ಕೆ ಸಂಗ್ರಹಿಸಿದ್ದ ಹಣ ಸಿಎಂ ನಿಧಿಗೆ ಹಸ್ತಾಂತರಿಸಿದ ಬಾಲಕ

ಕಾಸರಗೋಡು: ವಿಷು ಹಬ್ಬಕ್ಕೆ ಪಟಾಕಿ ಸಹಿತ ವೆಚ್ಚಕ್ಕೆ ಸಂಗ್ರಹಿಸಿದ್ದ 1,053 ರೂ.ಗಳನ್ನು ಬಾಲಕನೋರ್ವ ಮುಖ್ಯಮಂತ್ರಿ ಅವರ ದುರಂತ ಪರಿಹಾರ ನಿಧಿಗೆ ಹಸ್ತಾಂತರಿಸಿದ್ದಾನೆ.

ನೀಲೇಶ್ವರ ಕೊಯಾಂಪುರಂ ನಿವಾಸಿ ಪ್ರಯೇಷ್‌-ರೇಷ್ಮಾ ದಂಪತಿ ಪುತ್ರ ದೇವ ಹರ್ಷ್‌ ಈ ಕಾರ್ಯದ ಮೂಲಕ ಗಮನ ಸೆಳೆದಿದ್ದಾನೆ. ಪರಿತ್ತಿಕಾ ಮುರಿ ಶಾಲೆಯ ಪ್ರಾಥಮಿಕ ಪೂರ್ವ ವಿಭಾಗದ ವಿದ್ಯಾರ್ಥಿಯಾಗಿರುವ ಈತ ನೀಲೇಶ್ವರಂ ಜನಮೈತ್ರಿ ಪೊಲೀಸರಿಗೆ ನಿಧಿಯನ್ನು ಹಸ್ತಾಂತರ ಮಾಡಿದ್ದಾನೆ.