Advertisement
ನಗರದ ಹೋಟೆಲ್‌ನಲ್ಲಿ ಬಿಜೆಪಿ ಆರ್ಥಿಕ ಘಟಕ ಶನಿವಾರ ಹಮ್ಮಿಕೊಂಡಿದ್ದ “ಪರಿವರ್ತನೆ ಭಾರತ’ (ಟ್ರಾನ್ಸ್‌ಫಾರ್ಮಿಂಗ್‌ ಇಂಡಿಯಾ) ಕುರಿತ ಸಂವಾದದಲ್ಲಿ ಮಾತನಾಡಿದ ಅವರು, “ಆರು ದಶಕಗಳ ಕಾಲ ದೇಶವನ್ನು ಆಳಿದ ಕಾಂಗ್ರೆಸ್‌, ಕನಿಷ್ಠ ಮೂಲಸೌಕರ್ಯಗಳನ್ನೂ ನೀಡದೆ ನಮ್ಮನ್ನು ಭಿಕ್ಷುಕರನ್ನಾಗಿ ಮಾಡಿತ್ತು.
Related Articles
Advertisement
ದಕ್ಷ ಆಡಳಿತದಿಂದ ಪಾರದರ್ಶಕತೆ ಬಂದಿದೆ ಎಂದ ಅವರು, “ರಫೇಲ್‌ ಡೀಲ್‌ ಪ್ರಕರಣದಲ್ಲಿನ ಅವ್ಯವಹಾರದ ಬಗ್ಗೆ ಪ್ರತಿಪಕ್ಷದ ನಾಯಕರು ಆರೋಪ ಮಾಡುತ್ತಿದ್ದಾರೆ. ಆದರೆ, ರಫೇಲ್‌ ಡೀಲ್‌ ಎನ್ನುವುದೇ ಒಂದು “ಜೋಕ್‌’. 56 ಸಾವಿರ ಕೋಟಿ ಮೊತ್ತದ ಈ ವ್ಯವಹಾರದಲ್ಲಿ ಸುಮಾರು 30 ಸಾವಿರ ಕೋಟಿ ರೂ. ಆಫ್ಸೆಟ್‌ ಗುತ್ತಿಗೆ. ಇದು ಇನ್ನೂ ಆಗಿಯೇ ಇಲ್ಲ’ ಎಂದರು.
“ದೆಹಲಿಯಲ್ಲಿರುವ ದೇಶದ ಮೊದಲ ಕುಟುಂಬ ಕಳೆದ ಆರು ದಶಕಗಳ ಕಾಲ ಐಷಾರಾಮಿ ಜೀವನ ನಡೆಸಿದೆ. ಅವರ ವೈಭವಯುತ ಜೀವನವನ್ನು ತೆರಿಗೆ ಪಾವತಿಸುವ ಮೂಲಕ ನಾನೂ ಪೋಷಿಸಿದ್ದೇನೆ’ ಎಂದು ಟೀಕಿಸಿದರು.
ನಾರಾಯಣ ಹೃದಯಾಲಯದ ಅಧ್ಯಕ್ಷ ಡಾ.ದೇವಿಪ್ರಸಾದ್‌ ಶೆಟ್ಟಿ ಮಾತನಾಡಿ, ಆಯುಷ್ಮಾನ್‌ ಭಾರತವು ದೇಶದ ಅತಿದೊಡ್ಡ ಉದ್ಯಮವಾದ ಆರೋಗ್ಯ ಕ್ಷೇತ್ರದಲ್ಲಿ “ಗೇಮ್‌ ಚೇಂಜರ್‌’ ಆಗಿದೆ ಎಂದು ಬಣ್ಣಿಸಿದರು. ವಿಶ್ವನಾಥ್‌ ಭಟ್‌ ಉಪಸ್ಥಿತರಿದ್ದರು.
ದೇಶದ ಆರ್ಥಿಕತೆ ಮೇಲೆ ಪರಿಣಾಮ: ಮೂಲ ಸಂವಿಧಾನದಲ್ಲಿ ಇಲ್ಲದ ಸಮಾಜವಾದ ಮತ್ತು ಜಾತ್ಯತೀತವಾದ ಎಂಬ ಎರಡು ಪದಗಳ ಸೇರ್ಪಡೆಯು ದೇಶದ ಆರ್ಥಿಕತೆ ಮೇಲೆ ಪರಿಣಾಮ ಬೀರಿತು ಎಂದು ಟಿ.ವಿ. ಮೋಹನದಾಸ್‌ ಪೈ ಅಭಿಪ್ರಾಯಪಟ್ಟರು. ಸಮಾಜವಾದ ಮತ್ತು ಜಾತ್ಯತೀತವಾದ ಎಂಬ ಪದಗಳು ಮೂಲ ಸಂವಿಧಾನದಲ್ಲಿ ಇರಲಿಲ್ಲ. ಮಾಜಿ ಪ್ರಧಾನಿ ಜವಾಹರಲಾಲ್‌ ನೆಹರು ಇದನ್ನು ಸೇರಿಸಿದರು. ಪರಿಣಾಮ ದೇಶದ ಆರ್ಥಿಕತೆ ಮುಕ್ತವಾಗಲಿ