Thane ನಿಲ್ದಾಣ ದುರಸ್ತಿ: 63 ಗಂಟೆ ರೈಲು ಸಂಚಾರ ಸ್ಥಗಿತ!

ಮುಂಬಯಿ: ವಾಣಿಜ್ಯ ನಗರ ಮುಂಬಯಿಯ ಜೀವನಾಡಿ ಎನಿಸಿಕೊಂಡ ಸೆಂಟ್ರಲ್‌ ರೈಲ್ವೇ 63 ಗಂಟೆಗಳ ಕಾಲ ಸ್ಥಗಿತಗೊಂಡ ಕಾರಣ ಸಬ್‌ಅರ್ಬನ್‌ ರೈಲು ಸಂಚಾರದಲ್ಲಿ ವಿಳಂಬವಾಗಿ, ಭಾರೀ ಜನದಟ್ಟಣೆ ಉಂಟಾಗಿದೆ. ಥಾಣೆಯ ರೈಲು ನಿಲ್ದಾಣ ಅಗಲೀಕರಣ ಕಾರ್ಯ ನಡೆಯುತ್ತಿರುವುದರಿಂದ ರವಿವಾರದವರೆಗೆ 72 ದೂರ ಪ್ರಯಾಣದ ರೈಲು ಹಾಗೂ 930 ಸಬ್‌ಅರ್ಬನ್‌ ರೈಲು ಸೇವೆಗಳನ್ನು ಸ್ಥಗಿತಗೊಳಿಸಲಾಗಿದೆ. ಇದರಿಂದ ಕಚೇರಿಗೆ ತೆರಳುವ ಲಕ್ಷಾಂತರ ಜನರಿಗೆ ತೊಂದರೆಯಾಗಿದೆ. ಇತರ ಸಾರ್ವಜನಿಕ ಸಾರಿಗೆಗಳಾದ ಬಸ್‌, ಟ್ಯಾಕ್ಸಿ, ಆಟೋಗಳಿಗೆ ಹೆಚ್ಚಿನ ಸೇವೆ ನೀಡಲು ಮಹಾರಾಷ್ಟ್ರ ಸರಕಾರ ಸೂಚಿಸಿದೆ. ಜತೆಗೆ ರವಿವಾರದವರೆಗೆ ಸಬ್‌ಅರ್ಬನ್‌ ರೈಲು ಸೇವೆ ಬಳಸದಂತೆ ಸಾರ್ವಜನಿಕರಿಗೆ ವಿನಂತಿಸಿದೆ.